Lugo, 4 de xullo de 2014. A Deputación de Lugo aprobou este venres na Xunta de Goberno o procedemento administrativo para a adquisición en propiedade por parte da institución provincial da colección de ourivería castrexa de Álvaro Gil. As 40 pezas volverán ao Museo Provincial no mes de setembro, segundo anunciou este venres o responsable de Cultura e Turismo da Deputación de Lugo, o nacionalista Mario Outeiro.
O proceso administrativo iniciado hoxe estará rematado a finais de agosto e suporá un investimento de 2,3 millóns de euros a pagar en 5 anos para facerse coa propiedade deste importante tesouro arqueolóxico, composto por 40 pezas datadas entre o 1.800 a.C. e o 400 d.C., entre elas os Torques de Burela e Viveiro e o Carneiro Alado, emblemas durante 4 décadas da colección do Museo Provincial de Lugo e que saíran do Museo en outubro do ano pasado despois dunha sentenza xudicial do Tribunal Supremo que outorgaba a titularidade da colección á familia Álvaro Gil.
Co acordo da Xunta de Goberno de hoxe dáse un paso máis para lograr a volta das pechas ao Museo de Lugo despois de que o responsable da área de Cultura da Deputación conseguise un acordo coa familia e de que este fose ratificado no pleno da Deputación o pasado día 24 de xuño “coa abstención do PP, o que o sitúa na indefinición total neste asunto”, criticou hoxe Mario Outeiro na rolda de prensa posterior á Xunta de Goberno.
Para o responsable de Cultura da institución provincial, a adquisición destas pezas por parte da Deputación é “unha magnífica noticia para a cidadanía lucense xa que recuperamos como patrimonio público para desfrute do pobo un destacado tesouro do patrimonio material galego” e destacou “a importancia a nivel cultural e turística destas pezas para a cidade de Lugo”.
Sinatura do contrato de compravenda a comezos de setembro
O regreso, de xeito definitivo, ao Museo Provincial das 40 pezas que forman esta importante colección de ourivería está previsto para antes de que remate o verán. Trátase torques, pulseiras, adornos de pelo e arracadas, fundamentalmente de ouro, para as que foi iniciado o trámite de declaración de Ben de Interese Cultural o 23 de outubro de 2013, un día antes do levantamento do seu depósito no Museo Provincial para evitar deste xeito que puideran ser vendidas ou sacadas do Estado español.
O prezo de adquisición quedou fixado na proposta feita pola Deputación aos herdeiros de Álvaro Gil baseada nun informe de valoración encargado a Eduardo Ramil Rego, taxador independente membro da Asociación de Peritos Xudiciais e especializado en Arqueoloxía e Antigüidades e que estableceu o prezo da totalidade da colección en 2.346.200 euros, moi por debaixo dos case 5 millóns de euros que pedía a familia Álvaro Gil.
O acordo establece ademais que a colección completa será posta a disposición da Deputación Provincial nun prazo máximo de sete días desde a sinatura do contrato definitivo, pero que o pago desa cantidade económica faráse en 5 prazos en anualidades que van ata o 2018, a razón de 99.608 euros neste ano 2014, 656.648 euros en 2015, 633.284 euros en 2016, 606.364 euros en 2017 e 350.296 euros en 2018.
Asemade, a Deputación aboará as cantidades debidas en concepto de custas e gastos xudiciais derivados dos procedementos relacionados coa colección, tal como establecía a sentenza do Tribunal Supremo, ata unha cantidade máxima de 600.000 euros. A cambio, os herdeiros de Álvaro Gil renuncian a indemnización algunha por danos e prexuizos polos anos que a colección estivo depositada no Museo Provincial.
Homenaxe ás víctimas do franquismo o día 31 de xullo
A Xunta de Goberno da Deputación tamén acordou hoxe entregar a Placa de Honra da Provincia a Darío Rivas Cando, fillo do alcalde republicano de Castro de Rei fusilado polo réxime franquista, Severino Rivas Barja.
A entrega desta distinción terá lugar o día 31 de xullo nun acto solemne no Salón de Plenos da Deputación que servirá de “homenaxe a todas as víctimas do franquismo e a todos aqueles que traballan na recuperación da memoria histórica”, en palabras de Mario Outeiro, que definíu a Darío Rivas como “un loitador que traballou toda a súa vida por recuperar a honra e a memoria das víctimas do franquismo, facéndoo ademais dende o amor ao home e non dende o rancor”, destacou. Darío Rivas é tamén o “alma máter” da querela presentada en Arxentina polos crimes do franquismo.
Logo do acto solemne na Deputación, haberá tamén un xantar e unha homenaxe posterior organizada por distintas asociacións e colectivos de persoas que traballan no eido da recuperación da memoria histórica.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
