Ribadeo, 17 de xullo de 2014. Co pregón que pronunciou a presidenta da asociación cultural Francisco Lanza, Dores Fernández, comezou a Feira do Libro de Ribadeo no parque de San Francisco.
A este acto asistiron e interviñeron o vicepresidente da Federación de Libreiros de Galicia, Antón Pedreira; a concelleira de Cultura de Ribadeo, Mariluz Álvarez Lastra; o vicepresidente da Deputación de Lugo, Antonio Veiga; e a delegada territorial da Xunta en Lugo, Raquel Arias. A inauguración desenvolveuse a carón das 11 casetas da Feira do Libro e alí puido verse un telón pintado en Vilaselán que fora empregado nunha das primeiras representacións realizadas pola asociación Francisco Lanza, que foi a encargada de organizar a Feira do Libro Galego en Ribadeo ata a década dos 90 do século pasado.
Autoridades e público cursaron visita aos expositores e disfrutaron durante o acto coa actuación do grupo de clarinetes da Escola Municipal de Música de Ribadeo.
A Feira do Libro de Ribadeo estará aberta ata o vindeiro domingo. O horario de visita é de 12 a 14 horas e de 18 a 22 horas. Ao longo destes días desenvolverase un amplo programa de actividades teatrais, musicais e destinadas aos máis pequen@s.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
