Ribadeo, 23 de xullo de 2014.- A Universidade de Santiago contará no vindeiro curso con 48 titulacións, 59 másteres oficiais e 54 programas de doutoramento. Deles, 33 grados e 15 másteres serán impartidos no Campus de Lugo. Así o anunciou o Vicerreitor de Coordinación do campus lucense, Javier Bueno, esta mañá na Casa do Concello ribadense. Bueno afirmou que “actualmente temos na USC uns 600 estudantes chegados da Mariña e 300 do Occidente Asturiano”. Uns datos que dende a Universidade de Santiago esperan que vaian en aumento grazas ao desconto que a Deputación pon en marcha este curso. Segundo avanzou Álvaro Santos, responsable de Cooperación e Asistencia aos Concellos da Deputación de Lugo, “este ano vamos a levar a cabo un desconto do 50 por cento na matrícula a todo o alumnado que se matricule por primeira vez en sete grados: enxeñería en procesos químicos e industriais, enxeñería civil, enxeñería en xeomática e topografía, enxeñería agrícola e agroalimentaria, enxeñería forestal, lingua e literaturas españolas e ciencias da cultura”.
A alcaldesa en funcións de Ribadeo, Mari Luz Álvarez Lastra, destacou que “dende o concello colaboramos en diferentes ámbitos coa USC e contamos cunha moi boa coordinación con eles. Incluso, máis directamente co Campus de Lugo polos cursos de verán que facemos ao longo destes últimos anos. Por iso estamos encantados con que contasen con nós para presentar en Ribadeo a súa oferta educativa. É moi importante que dende os concellos demos apoio á universidade difundindo a súa oferta educativa e as súas titulacións.” A edil en funcións engadiu que “queremos valorar a aposta que a Deputación Provincial leva a cabo en distintas áreas, nas que tamén colabora o Concello de Ribadeo. Neste caso nunha moi boa iniciativa que é a aposta por un convenio para gratificar as matrículas no Campus de Lugo, nun momento no que as familias teñen dificultades económicas en nun momento no que puidemos ver que debido a modificación dos criterios para acceder as becas, ás veces é difícil chegar ás notas necesarias para poder acadalas. E tamén os retrasos que se estiveron dando no pago das mesmas ao longo destes dous últimos anos, que foron referencia moitas veces nos medios de comunicación. Entón creo que dende os poderes públicos debemos apostar por a axuda e o apoio para que ninguén que teña capacidade e intención para estudar teña que deixar de facelo. Os que somos titulados grazas a esas becas agradecémolo enormemente”.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
