O Seminario Estudos Terras de Viveiro e o Concello de Foz organizan o foro “Días de Mar” que se desenvolverán no Cenima de Foz dende o mércores 30 de xullo ata o sábado 27 de setembro. O programa recolle os relatorios: A PESCA NA MARIÑA, por Carlos Nuevo Cal, Cronista oficial de Viveiro, o mércores 30 de xullo ás 20.30 horas; PROBLEMÁTICA ACTUAL DA PESCA, por José Pino González, Capitán de Pesca, o sábado 9 de agosto ás 12.00 horas; BITÁCORA DE NAVEGANTE, por Andrés Díaz Ferro, Práctico de Porto e Capitán da Mariña Mercante, o sábado 30 de agosto ás 12.00 horas; UN MAR DE CULTURA, por Vicente Míguez Salgueiro, mestre e escritor, o sábado 13 de setembro ás 12.00 horas; e CONSTRUCCIÓN DUNHA COMUNIDADE MARIÑEIRA, por José Manuel Montero Llerandi, profesor de Antropoloxía da Universidade Nacional de Educación a Distancia, o sábado 27 de setembro ás 12.00 horas.
Días de Mar no Cenima de Foz
Relacionado
-
El Franco celebrará do 18 ao 20 de setembro o Fin de Semana do Motor en A Caridá, que reunirá a Concentración Motera 2026 e a IX Quedada de Camións Clásicos
-
O Complexo Deportivo Municipal de Navia inicia este mércores, 16 de setembro, o horario de inverno e a nova programación de actividades
-
Derradeira xornada de convivencia Ribadeo – Loktudi
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
