O Comité da planta que a multinacional Vestas ten en Chavín (Viveiro) iniciou ás 22:00h do luns 14 de xullo un novo periodo de folga, logo da xornada de folga do dia 1, ante o bloqueo continuado por parte da dirección de cara a buscar un achegamento para o novo convenio colectivo. Os/as traballadores/as estiveron realizando concentracións ao longo do mes de xuño, pero diante da falta de avances na negociación decidiron incrementar as medidas de presión.
Despois de 18 reunións para negociar o convenio, das que 7 foron con mediación, “a empresa sigue teimando en que a flexibilidade que piden é o mínimo que necesitan”. Esta flexibilización da xornada suporía para a compañía dispor de 16 a 18 horas á semana -200 horas ao ano por traballador/a-, cunha compensación media, aparte do descanso, de 2,35 €/h. traballada en sábado, e de 0,80 €/h. na prolongación de xornada de luns a venres (2 hora/día). A cambio ofrece un incremento salarial de 1,2% para o ano 2013, e 1,4% para 2014, sen revisión.
No convenio actual hai pactado 128 horas, e cunha compensación económica, ademais do descanso pertinente, de 10,50 €/h. traballada en sábado, e de 2,75 €/h. na prolongación de unha hora na xornada de luns a venres.
“Aínda que poida parecer que os incrementos compensan, dado que serían mais altos que os que se veñen pactando noutros convenios, os números son fríos e non enganan. O incremento salarial ofertado significa 240 €/ano de media, e só as 128 hs. da flexibilidade actual de luns a venres significan 335,00 €/ano. A rebaixa que isto significa é inaceptábel”, subliña o Comité.
Dado que a asemblea de traballadores e traballadoras decidiu non aceptar a proposta da empresa, e despois de ter realizado concentracións os días 6, 11, 18, e 25 de xuño, e un paro de 24h o dia 1 de xullo sen obter unha resposta e nin sequera un intento de achegamento por parte da dirección, acordouse a convocatoria de folga para os días 15, 16, 17, 22, 23 e 24 de xullo.
Nesta primeira xornada o paro foi, como o dia 1, secundado por mais do 95% dos 240 empregados da empresa. Os xoves 17 e 24 teñen previsto realizar concentracións diante do concello de Viveiro ás 11:00h.
Co gallo do día das Letras Galegas, levarase a cabo un Obradoiro de oralidade das mulleres. Empregaranse as ferramentas do ciclo do ano e ciclo vital e farase percorrido polos cantares de tradición oral e os contextos nos que se producen. Branca Mª Villares Naveira dirixe este obradoiro; ela é docente de música tradicional galega na especialidade de canto e as percusións de man, con mais de 25 anos de bagaxe na investigación, tamén é divulgadora da tradición oral das mulleres galegas. Terá lugar este xoves, día 15 de maio no Salón de Actos do centro ás 16:30 horas. Máis información e matrícula: https://
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Unhas xornadas participativas nas que se abordarán temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asociación Xubilados Terramar. O primeiro será este mesmo martes, 13 de maio, baixo o título: Coñece os teus dereitos como consumidor. Será ás 18:30 horas. No local social da asoc de Xubilados Terramar, na Casa do Mar.
Este domingo compartiu unha emotiva comida coa súa familia e recibiu tamén a visita do alcalde, Demetrio Salgueiro, e da concelleira de Servizos Sociais, Tamara Soto, que lle transladaron os seus parabéns. Un século de vida, historias e sabedoría compartida. Un día inesquecible rodeado de agarimo.
