O venres 1 de agosto ás 20.00 horas Renata Otero presenta en primicia a súa mostra de debuxos TV Portraits ou Como me ghusta polos títulos en inghlés para quedar de moderna … Nesta ocasión Renata Otero presentará arredor de 300 novos retratos de pequeno formato e pintados con tempera sólida sobre papel nuns casos e esgrafiados sobre cerámica noutros. A inmensa maioría destes rostros foron captados en apenas segundos mentres a autora vía a TV. A improvisación, o xogo e importantes doses de humanidade son algúns dos atractivos que esta colección encerra para ti. Todas as pezas son inéditas e o público terá un tempo e un lugar propio para interactuar co traballo: establecendo conexións, comentando… A mostra permanecerá aberta ata o 31 de agosto e poderá verse gratis de 10.00 a 14.00 horas e de 16.00 a 20.00 horas tódolos dias no Centro Regal-Xunqueira.
Mostra de debuxos de Renata Otero en RegalXunqueira
Relacionado
-
El Franco celebrará do 18 ao 20 de setembro o Fin de Semana do Motor en A Caridá, que reunirá a Concentración Motera 2026 e a IX Quedada de Camións Clásicos
-
O Complexo Deportivo Municipal de Navia inicia este mércores, 16 de setembro, o horario de inverno e a nova programación de actividades
-
Derradeira xornada de convivencia Ribadeo – Loktudi
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
