A Mariña, 8 de xullo de 2014. O BNG súmase ás denuncias presentadas por unha empresa que chegou a un acordo contractual para alugar a aldea etnográfica de Carelle Grande para realizar un curso de verán. Despois de reunirse con responsábeis da empresa contratante das instalacións, “os nacionalistas súmanse á súa preocupación pola situación vivida nestes días de estancia en Muras con nenos de curta idade como vítimas inocentes da actitude miserábel e fraudulenta do alcalde, que non dubidou en acosar e esixir diñeiro en man ofrecendo unha imaxe lamentábel e feudal do concello que considera da súa propiedade particular”.
O MODELO DE ACTUACIÓN FEUDAL DO ALCALDE DE MURAS NON REPARA EN SI OS PREXUDICADOS SON NENOS DE CURTA IDADE
O concelleiro do BNG en Muras, Manuel Requeixo, reuniuse na tarde de onte con responsábeis do campamento de verán que alugaron mediante contrato as instalacións da Aldea Etnográfica de Carelle Grande para realizar un curso de verán con nenos de curta idade, que se ven obrigados a marchar antes do seu remate polo acoso e a actitude miserábel do alcalde, Issam Algnam. “Os nacionalistas aseguran que o alcalde someteu ao acoso e a extorsión a este grupo de visitantes sen importarlle que entre os as e os afectados estiveran nenos de curta idade, como vítimas inocentes dos seus manexos”.
O BNG, á vista do contrato asinado entre os xestores do campamento e o concello de acordo cunha memoria de actividades presentada pola empresa responsábel do campamento, consideran que a imaxe ofrecida polo alcalde e por extensión do concello de Muras “é mais propia dunha película de terror de serie B que dun concello cuxa preocupación debe ser ofrecer boa acollida aos seus visitantes e vender ao exterior os seus valores naturais e culturais”.
Afirman que o alcalde unha vez mais actuou como si o concello fose a súa finca particular, “non se entende que habendo uns condicionantes explicitados e aceptados na memoria de actividades e nun contrato, o procedemento de pago sexa a esixencia de pagos parciais en metálico de 3.000 euros esixidos polo propio alcalde.”
UNHA ALDEA ETNOGRÁFICA CHEA DE IRREGULARIDADES NA ADQUISICIÓN, EXECUCIÓN E AGORA NA SÚA XESTIÓN
Os nacionalistas lembran que levan anos denunciando irregularidades na tramitación da compra e obras executadas para o proxecto da Aldea Etnográfica de Carelle Grande, con fincas e propiedades inmobiliarias do alcalde vendidas ao concello que preside, con empresas contratadas para a execucións das obras que non están facultadas para contratar obra pública por ser Comunidades de Bens, e agora cunha xestión das instalacións fraudulenta e da que se dubida dos permisos autonómicos para a súa explotación.
O BNG reclamará no Parlamento Galego explicacións arredor do estado de tramitación do proxecto da aldea etnográfica para coñecer si este conta cos permisos da administración galega para a súa explotación. Advirten que de non ser así, ás denuncias e demandas xudiciais presentadas polos promotores do campamento poderían sumarse outras das que o concello pode saír moi mal parado pola irresponsabilidade do alcalde.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
