Lourenzá, 31 de xullo de 2014. O Concello de Lourenzá presentou este xoves a súa XVIII edición do Concurso de Fotografía Festa da Faba para este ano 2014. Os traballos poderán presentarse, por correo ou en persoa, nas oficinas municipais ata o día 22 de setembro. As fotografías deberán basearse na temática Terras da Faba e o gañador recibirá un premio de 500 euros. No acto de presentación estiveron a alcaldesa de Lourenzá, Emma Álvarez; o concelleiro de Medio Ambiente, Antonio Reigosa, e a concelleira de Cultura e Turismo, Lupe Flórez.
Lupe Flórez explicou que “este ano a Festa da Faba vai a celebrarse os días 4 e 5 de outubro e coma en edicións pasadas temos un premio de 500 euros nesta XVIII Edición do Concurso de Fotografía Festa da Faba, que resulta bastante suculento para aquelas persoas interesadas en participar, xa que nos certames próximos non temos ningún da entidade económica deste concurso.” A concelleira de Cultura laurentina destacou que “seguimos a manter a temática da edición anterior, que é a de Terras da Faba, na que se poden incluír todas aquelas fotografías que sexan representativas e recoñecibles de distintos concellos da Mariña Lucense onde se produce a faba de Lourenzá. Non estamos restrinxindo a temática á área do noso propio concello nin da propia produción da faba senón que estamos ampliando a temática a toda A Mariña, concretamente aos concellos de Alfoz, Barreiros, Burela, Cervo, Foz, Lourenzá, Mondoñedo, Ourol, A Pontenova, Ribadeo, Trabada, O Valadouro, O Vicedo, Viveiro e Xove”.
Flórez comentou que “dende o Concello pensamos que esta apertura de temática dá posibilidades para que participe un maior número de xente, xa que é moito máis amplo o abano de persoas que se moven nestes concellos que restrinxíndoo só ao noso concello de Lourenzá”.
A responsable da Concellaría de Cultura engadiu que “o prazo de entrega este ano vai a ser ata o 22 de setembro e van poderse dirixir os traballos tanto persoalmente ás oficinas municipais como por vía postal. No caso dos traballos que cheguen a través de vía postal imos considerar a data do cuño tope o 22 de setembro, co cal poden chegar en días posteriores a ese día marcado, pero sempre imos ter en conta esa data do cuño. As bases van a estar colgadas, coma en edicións anteriores, na páxina web do Concello de Lourenzá, www.concellodelourenza.es, e as dúbidas poden ser resoltas chamando ao teléfono 982.12.10.06”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
