Ribadeo, 16 de xullo de 2014. O Concello comeza a aplicar hoxe a ecotaxa por utilización dos baños na praia das Catedrais. Serán 50 céntimos a cantidade que teñan que pagar os usuarios dos aseos, que irán destinados á contratación do persoal que os atenderá e á conservación ambiental do areal, segundo subliñou o alcalde, Fernando Suárez.
O rexedor explicou que “no día de hoxe, despois de ter transcorridos todos os prazos de exposición pública, iniciamos dende o Concello de Ribadeo o cobro polo uso dos aseos da praia das Catedrais. Polo tanto a partir de hoxe as tres persoas que temos alí contratadas, que están rotando pola mañá e pola tarde todos os días da semana durante a época estival, cobrarán a cantidade de 50 céntimos a cada usuario ou usuaria dos aseos”.
Suárez Barcia dixo que “non é un diñeiro, a recadación total, co que pretendamos eliminar a débeda do Concello de Ribadeo, senón que se trata dunha pequena axuda para intentar paliar o custo que lle ven supoñendo ao Concello precisamente a contratación de todo este persoal para ofrecer un bo servizo: uns aseos impolutos e que sexan como os dun hotel de 5 estrelas, como de feito así son para calquera usuario que vaia a eses servizos. Dada a cantidade inxente de xente que os está usando faise necesaria unha limpeza sistemática, periódica, cada pouca fracción de tempo”.
O alcalde ribadense indicou que “temos o compromiso co Ministerio de Medio Ambiente de, ao final da tempada estival, remitirlle todos os ingresos e gastos que tivemos aquí. Se incluso tivéramos máis ingresos que os custes establecidos deberíamos reinvestilos na mellora da propia praia. Non creo que así sexa dadas as alturas do verán ás que estamos”.
Para Fernando Suárez Barcia “esta é unha boa iniciativa que se ten que seguir complementando con outras, que hai que seguir facendo e traballando para que o areal das Catedrais sexa un sitio onde resulte agradable vir, a onde seguramente van vir neste verán moitas máis persoas das que viñeron o ano pasado e debemos estar en condicións óptimas para ofrecer un servizo axeitado”.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
