Lugo, 29 de xullo de 2014. A Deputación de Lugo, logo do pleno celebrado este martes e a instancias dunha proposta do Grupo Provincial do Bloque Nacionalista Galego, que se aprobou cos votos a favor do BNG e o PP e cos votos en contra dos socialistas, urxirá ao Ministerio de Fomento para que técnicos deste departamento e especialistas en seguridade viaria analicen o tramo da A-8 entre os concellos de Mondoñedo e Abadín de cara a detectar posibles fallos construtivos ou de trazado ou eivas na sinalización, así como para que se incorporen todos aqueles elementos de seguranza viaria necesarios para evitar novos accidentes neste tramo.
Durante a súa intervención, Antonio Veiga defendeu a proposta alegando que “transcorridos só varios meses desde a súa apertura, e logo de décadas de espera, o último tramo aberto ao tráfico da Autovía A-8 en Galiza, comprendido entre A Xesta e Lindín, tense xa convertido nun perigoso punto negro para a circulación por estrada dentro de Galiza, e non é de recibo que esta situación se produza nunha autovía que se acaba de abrir, porque non estamos a falar dun tramo obsoleto dos anos 60 ou 70, senón nunha vía de recente construción”.
A modernización da rede viaria coa construción de vías de alta capacidade de tráfico ten como obxectivos fundamentais a mellora da conectividade e o incremento da seguridade na circulación por estrada. Porén, no caso deste tramo, inaugurado o pasado mes de febreiro, tense xa convertido nun perigoso punto negro para a circulación por estrada dentro de Galiza.
Á difícil orografía do terreo, que salva en poucos quilómetros un importante desnivel pasando de 176 metros sobre o nivel do mar a 698 metros de altitude no alto do Fiouco, engádenselle unhas condicións climatolóxicas moitas veces adversas, con densa néboa e forte vento.
Neste sentido, o vicepresidente da Deputación precisou que “medio ano despois da súa apertura son xa moitos os accidentes producidos neste tramo, o último deles o pasado sábado, día 26, con ducias de vehículos implicados e a primeira vítima mortal. Estamos ante unha chapuza máis do Ministerio de Fomento en Galiza, posto que a necesidade de novas medidas de seguridade nesta autovía, pon en evidencia que todas as medidas adoptadas ata o momento eran insuficientes”.
“Diante desta situación de reiterada siniestralidade, é precisa a adopción con carácter de urxencia das medidas necesarias dende o punto de vista técnico e da seguranza viaria para evitar que se poidan producir novos accidentes e a perda de máis vidas humanas” – concluíu Veiga.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
