BARREIROS, 15 DE XULLO DE 2014.- Os socialistas de Barreiros denuncian que, “por mor da desidia e dos incumprimentos do alcalde”, os veciños da parroquia de Santiago de Reinante teñan que seguir soportando continuos cortes no subministro de auga. Estas interrupcións prodúcense maioritariamente pola mañá e pola noite, aínda xa se rexistraron tamén nas horas centrais do día. Para a secretaria xeral da agrupación do PSOE –Carmen Veiga- trátase dunha situación “absolutamente bochornosa”, pois o rexedor, en diversas ocasións e en distintos Plenos municipais, se comprometeu a buscar unha solución a dito problema. “O alcalde non só falta á súa palabra, a iso xa nos ten acostumados, pero o que resulta intolerable é que faga como se isto non pasase, cando nestas datas a poboación aumenta, debido a que moita xente elixe este municipio como destino das súas vacacións”, afirma.
Neste senso, a secretaria xeral incide en que “os veciños de Barreiros levan soportando esta crítica situación dende hai meses, algo que xa denunciamos en diversas ocasións. Estamos dando unha imaxe penosa a todos os visitantes. É inadmisible que un alcalde non sexa quen de dar unha solución a estes veciños, pois, por outro lado, ben que subiu as taxas de abastecemento…”. Concretamente, a socialista precisa que “en Barreiros pasamos de pagar algo máis de 20 euros a 35, é dicir, o Sr. Fuente Parga aumentounos o recibo un 43%”.
Zonas moi transitables sen desbrozar
Asimesmo, Veiga tamén critica o estado de abandono no que o concello mantén algúns espazos públicos do municipio. A socialista refírese, en primeiro lugar, ao parque infantil, situado nas inmediacións da praia Anguieira, e no que o concello aplicou un herbicida que, “cando menos, é unha actitude irrespetuosa co medio ambiente”.
“Cada día son moitos os nenos que acuden a este parque, e o alcalde sábeo. Coa aplicación destes produtos o que semella é que quere eliminar esta zona de xogo. Realmente, resúltanos incomprensible que, nestas datas, o concello en vez de manter nun estado axeitado as zonas de ocio, as destrúe”, destaca.
En Celeiro de Mariñaos, o interior da antiga casa do cura, estase a converter, segundo sinala a socialista, “nunha selva africana e nun vertedoiro incontrolado”. Para Veiga, isto “dá unha imaxe penosa, pois a vivenda sitúase moi preto da Nacional, polo que calquera transeúnte pode ver o estado no que se atopa, e que moita xente tira o lixo dentro”. Esta situación de abandono, repítese tamén na zona do parque empresarial, onde a maleza chega a tal punto que, tal e como indica a secretaria xeral, pode supor unha amenaza para os incendios. “O rexedor comprometérase a falar deste tema con XESTUR pero, a día de hoxe, o polígono segue igual. O noso concello está deixado nas mans de Deus e, sen embargo, o alcalde segue mirando para outro lado”, conclúe.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
