Lugo, 1 de agosto de 2014. A Xunta de Goberno da Deputación Provincial de Lugo aprobou, na súa reunión deste venres, as subvencións da área de Cultura correspondentes á anualidade 2014 valoradas en 540.000 euros. Estas axudas están destinadas á realización de eventos e actividades culturais anuais organizadas por entidades asociativas e concellos e a sufragar os gastos derivados da mellora de instalacións e equipamentos culturais nas entidades locais.
Neste sentido, o vicepresidente da Deputación, o nacionalista Antonio Veiga destacou que “desde que o BNG ten responsabilidades na Deputación de Lugo, a área de Cultura leva concedidos arredor de 10 millóns de euros en axudas a asociacións culturais e a Concellos da provincia para a realización de actividades, concretamente entre 2008 e 2014. Cifra, a dos 10 millóns de euros á que habería que engadir toda actividade que organizamos directamente desde a área de Cultura por toda a provincia, a través de programas como Musiqueando, Buxiganga, ou Cultura sobre Rodas, entre outros, que duplicarían esta cifra”
“Estamos a falar dunha cantidade económica moi importante que non so serve para dinamizar a actividade cultural en toda a provincia senón que xera actividade económica e emprego. Unha cifra que contrasta coas políticas do Partido Popular na Xunta de Galiza, posto que desde a chegada de Feijóo ao Goberno galego, as axudas en materia cultural foronse reducindo ata chegar a cero”, precisou Veiga.
Nesta anualidade o número de solicitudes recibidas por parte de asociacións culturais é similar ás recibidas na convocatoria do ano anterior, superando as 500 peticións. Nesta ocasión, presentáronse 519 solicitudes, entre as que se repartirá un orzamento de 400.000 euros. Para a promoción e realización de actividades culturais anuais, 256 entidades percibirán até un máximo de 8.000 euros e para a celebración de eventos culturais, 243 asociacións recibirán, cada unha, un máximo de 6.000 euros.
Segundo explicou Antonio Veiga, trátase dun total de 499 axudas concedidas a entidades culturais; “cifra elevada que demostra o compromiso do goberno provincial coa cultura de base. A Deputación de Lugo é a única administración, ademais dos concellos, que mantén axudas para as asociacións culturais despois de que o Goberno galego retirara esta liña de subvencións amosando o nulo valor que lle da á cultura, a cal entende unicamente como espectáculo. A gravidade de que a Xunta de Galiza non apoie as asociacións culturais de base vai máis aló, xa que demostra como o Partido Popular entende a democracia.” Neste sentido, o vicepresidente da institución recordou aos populares que “non pode haber democracia sen instrumentos para a participación social. A cultura non se pode construír a base de espectadores, senón con cidadáns activos no proceso de produción da mesma”.
En relación ás solicitudes de axuda para investimentos e equipamentos culturais e gastos correntes derivados da realización de actividades culturais organizadas polos concellos lucenses supérase, un ano máis, o centenar de peticións, todas elas concedidas. A área de Cultura, dependente da Vicepresidencia da Deputación, recibiu 52 solicitudes para investimentos e adquisición de equipamentos culturais ás que se destinarán un total de 80.000 euros, e 61 peticións de subvención para os gastos correntes derivados da realización de actividades anuais e eventos culturais aos que se dedicarán 60.000 euros. Os concellos recibirán un máximo de 5.000 euros para asumir os gastos correntes derivados da celebración de actividades culturais de carácter anual e até 2.500 euros para actividades culturais eventuais; un máximo de 6.000 euros para investimentos, e un máximo de 3.000 euros para equipamentos culturais.
Para o vicepresidente da Deputación estes datos “poñen de manifesto como desde o ente provincial se considera que deben ser as relacións entre administracións; as cales deben basearse en dar resposta ás necesidades do pobo e non en fundamentos ideolóxicos.”
A Deputación de Lugo, e en concreto a Vicepresidencia e a área de Cultura, amosa con esta liña de axudas, que se aproban en base a criterios obxectivos e nunha mesa de valoración formada por un membro de cada unha das tres forzas políticas con representación na institución e por funcionarios, o seu apoio ao tecido cultural lucense e a súa confianza no asociacionismo cultural da provincia.
Antonio Veiga rematou a súa intervención recordando que “Lugo é a provincia galega cun tecido asociativo máis amplo, plural e diverso, en boa medida pola política cultural que estamos a facer desde a Vicepresidencia da Deputación, centrada en potenciar o asociacionismo cultural de base”.
As subvencións concedidas suman os seguintes totais:
– Subvencións destinadas a entidades culturais para a realización de actividades de interese cultura
| FINALIDADE | IMPORTE |
| Actividade cultural permanente | 213.300 € |
| Eventos culturais | 185.800 € |
| TOTAL | 399.100 € |
– Subvencións destinadas a gastos correntes das actividades culturais realizadas por concellos da provincia de Lugo
| FINALIDADE | IMPORTE |
| Actividade de carácter anual | 43.300 € |
| Actividade de carácter eventual | 16.700 € |
| TOTAL | 60.000 € |
– Subvencións destinadas a investimentos en instalacións de carácter cultural e equipamentos culturais realizados por Concellos da provincia de Lugo
| FINALIDADE | IMPORTE |
| Investimento en instalacións culturais | 39.500 € |
| Equipamento cultural | 40.500 € |
| TOTAL | 80.000 € |
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
