Lourenzá, 1 de agosto de 2014. O Concello puxo este xoves o punto e final ao curso do Punto de Atención á Infancia (PAI) Meniños, de Lourenzá. Fíxoo celebrando unha xornada de convivencia cos nenos que formaron parte deste centro educativo no curso 2013/2014. Os cativos de 0 a 3 anos, acompañados por familiares e as coidadoras, puideron gozar dunha tarde repleta de actividades na área recreativa da Cazolga.
A concelleira de Educación e Cultura en Lourenzá, Lupe Flórez Seivane, estivo presente no acto e afirmou que “onte os nenos usuarios do PAI Meniños de Lourenzá gozaron dunha xornada de convivencia para poñerlle o peche a este curso escolar. Como ven sendo habitual nos últimos anos, escolleuse a área recreativa da Cazolga, onde nos xuntamos ao longo de toda a tarde, para levar a cabo distintas actividades. Houbo xogos, música, unha merenda conxunta para fomentar máis ese acto de convivencia; e, por último, como acto máis simbólico da tarde, houbo unha especie de graduación onde se lles entregaron as orlas e diplomas aos nenos que para o vindeiro curso pasan xa ao colexio e abandonan o centro despois de tres anos nel”.
Flórez comentou: “coma concelleira de Educación estiven presente neste acto e quería aproveitar para desexarlles unhas felices vacacións a todos os usuarios, así como informarlles ás familias que neste mes de agosto aproveitamos para darlle as vacacións ao persoal de centro e ás coidadoras. Tamén quería adiantar que, por outra parte, neste mes de agosto levaremos a cabo o proceso de desinfección para que as instalacións estean nun correcto estado de hixiene ao inicio do vindeiro curso. A actividade do centro retomarase o día 2 de setembro, xa que o luns día 1 é festivo local en Lourenzá despois das festas patronais do Conde Santo. Retomamos por tanto o día 2 no horario habitual de 8 da mañá a 8 da tarde”.
A concelleira aproveitou a ocasión para “animar a aquelas familias que tendo fillos de 0 a 3 anos aínda non son usuarias deste servizo. Anímoos a pasar polas dependencias municipais para recibir información do funcionamento do PAI de Lourenzá de cara ao novo curso, 2014-2015”.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
