Lourenzá, 14 de agosto de 2014. A corporación municipal de Lourenzá celebrou este xoves pleno en substitución da sesión ordinaria que correspondía levar a cabo este venres, pero ao ser día festivo adiantouse a esta xornada por acordo dos tres grupos políticos representados no Concello. No pleno deuse a coñecer que a Fundación Penzol apoia a proposta do Concello laurentino para que o Día das Letras Galegas do ano 2020 sexa dedicado a Francisco Fernández del Riego.
A portavoz do goberno local, Lupe Flórez Seivane, explicou que no pleno “deuse conta dun escrito achegado dende a Fundación Penzol, que unha vez reunida a directiva do seu padroado tomou en conta a nosa petición do pleno do 16 de maio para que apoiaran a nosa petición de dedicarlle o Día das Letras Galegas no ano 2020 ao noso fillo predilecto Francisco Fernández del Riego. Eles tomárono en conta e apóiano xa que teñen en conta que foi presidente da Fundación Penzol e un gran persoeiro e representante da mesma”.
Na sesión tamén “ratificamos a resolución da Alcaldía, que foi aprobada por unanimidade, sobre un convenio de colaboración para a xestión compartida do servizo de mantemento de espazos naturais e plan de mobilidade sostible co Concello de Trabada, onde se deron unhas especificacións a maiores da proposta acordada no pleno do 16 de maio. Deuse tamén conta dos informes das facturas do segundo trimestre de 2014: por parte de Secretaría-Intervención informouse que estamos moi preto de acadar o marco legal que estipula os 30 días de pago a provedores; neste caso falaríamos de 35,33 días na actualidade. Alegrámonos de que é unha baixada bastante significativa, tendo en conta que no mesmo período do ano 2013 estábamos nunha media de máis de 100 días e que no primeiro trimestre deste ano superábamos os 60 días de período medio de pago. Polo tanto o feito de achegarnos á legalidade dos 30 días é algo que nos satisfai”, destacou Lupe Flórez.
A voceira do goberno municipal engadiu que “Secretaría-Intervención tamén deu conta do seguimento do plan de axuste, onde basicamente se informou dun incremento duns 10.000 na recadación do imposto da recollida de lixo, feito que se produce pola actualización do padrón de usuarios deste servizo que se fixo no ano 2013: ao incrementarse o número de vivendas nese padrón de recollida de lixo fai que aumente tamén a recadación do mesmo”.
No pleno deste xoves tamén se acordou por unanimidade que os festivos locais en Lourenzá para 2015 van ser, como en anos anteriores, o martes de Entroido e o luns das festas patronais do Conde Santo.
Flórez comentou ademais que na sesión “abordouse a proposta da Alcaldía para resolver o contrato administrativo de adxudicación da lonxa hortofrutícola de Lourenzá ca empresa Obenfield e esa proposta da Alcaldía que falaba de ter resolto o expediente no prazo dun mes foi aprobado por unanimidade dos dez concelleiros presentes na sesión. Tamén se trataron dúas propostas da Alcaldía para modificar, por unha parte, a ordenanza da taxa pola prestación do servizos das escolas deportivas, na que o único que se cambia é que se lle dá potestade á empresa que xestiona as escolas deportivas para efectuar o cobro, xa que ata a actualidade era o Concello o que recadaba a matrícula das escolas deportivas e posteriormente, previa xustificación de gastos, se lle reembolsaba a quen as xestiona. Para aportarlles unha liquidez vaise facilitar que o cobro fágano eles mesmos. En canto ao imposto de vehículos de tracción mecánica, non contemplábamos en Lourenzá ata o día de hoxe a posibilidade de ter exentos aos vehículos históricos do pago deste imposto, pero a partir de agora, xa que foi aprobado por unanimidade, os vehículos históricos, previa notificación por parte dos propietarios, van ter a posibilidade de estar exentos deste imposto no noso concello”.
Outro asunto que aprobou a corporación municipal foi “unha ordenanza que vai regular no futuro todas aquelas axudas ou subvencións económicas que dende o Concello se poidan facer a distintas entidades, xa que ata o día de hoxe tampouco contábamos en Lourenzá cunha ordenanza que regulara de que maneira se aportaban axudas ou subvencións a distintos colectivos”, explicou Lupe Flórez, quen tamén se referiu a moción do grupo de goberno “relativa á petición á Subdelegación do Goberno para que dote ao noso concello dunha maior presenza dos corpos e forzas de seguridade do Estado tendo en conta os últimos delitos que houbo no noso concello, tanto en vivendas particulares como en distintos negocios: locais de hostalería, naves industriais, etcétera. Recollendo a preocupación dos nosos veciños trasladamos esta proposta á corporación, foi recibida positivamente polos outros dous grupos que forman a corporación municipal e engadímoslle que esa maior presenza dos corpos e forzas de seguridade do Estado se leve a cabo en horario nocturno, xa que xeralmente é cando se producen estes delitos”.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
