O Burela Pescados Rubén disputou o Memorial Celso Currás de Trabada ante o Azkar Lugo FS que se proclamou campión na tanda de penaltis. O choque entre os conxuntos lucenses finalizou con empate a dous tantos e deixou boas sensacións na escuadra laranxa que evidenciou a súa evolución respecto ao duelo en Ferrol. Os transportistas situáronse cunha renda de 2-0, a pesar do mellor xogo mariñán, aínda que Matamoros reduciu distancias antes do descanso (2-1). Na segunda parte, o Burela Pescados Rubén, tras uns momentos de incerteza, recuperou as rendas do partido e conseguiu empatar (2-2) cun novo tanto de Matamoros. O duelo entrou nunha nova fase e ambos equipos gozaron de ocasións, cun disparo á madeira por bando, pero o marcador permaneceu impasible dando paso aos penaltis nos que o Azkar Lugo estivo máis acertado.
As próximas probas da pretemporada dos pupilos de Juanlu Alonso son o mércores 27 de agosto en Fonsagrada ante o conxunto local, as 20.45 horas, e o II Desafío Star Center que organiza o Santiago Futsal. O torneo estival que se disputa os días 29 e 30 de agosto congrega a catro equipos da Primeira División; Santiago Futsal, Burela Pescados Rubén, Uruguay Tenerife e Palma Futsal.
II Desafío Star Center
Lugar: Multiusos do Sar de Santiago de Compostela
Datas: 29 e 30 de agosto
Venres 29 de agosto
19:00 horas: Burela Pescados Rubén vs Palma Futsal
21:00 horas: Santiago Futsal vs Uruguay Tenerife
Sábado 30 de agosto
18:00 horas: Partido polo terceiro posto
20:00 horas: Final do Desafío Star Center
Co gallo do día das Letras Galegas, levarase a cabo un Obradoiro de oralidade das mulleres. Empregaranse as ferramentas do ciclo do ano e ciclo vital e farase percorrido polos cantares de tradición oral e os contextos nos que se producen. Branca Mª Villares Naveira dirixe este obradoiro; ela é docente de música tradicional galega na especialidade de canto e as percusións de man, con mais de 25 anos de bagaxe na investigación, tamén é divulgadora da tradición oral das mulleres galegas. Terá lugar este xoves, día 15 de maio no Salón de Actos do centro ás 16:30 horas. Máis información e matrícula: https://
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Unhas xornadas participativas nas que se abordarán temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asociación Xubilados Terramar. O primeiro será este mesmo martes, 13 de maio, baixo o título: Coñece os teus dereitos como consumidor. Será ás 18:30 horas. No local social da asoc de Xubilados Terramar, na Casa do Mar.
Este domingo compartiu unha emotiva comida coa súa familia e recibiu tamén a visita do alcalde, Demetrio Salgueiro, e da concelleira de Servizos Sociais, Tamara Soto, que lle transladaron os seus parabéns. Un século de vida, historias e sabedoría compartida. Un día inesquecible rodeado de agarimo.
