O canteirán Carlos Valle Izaguirre será xogador profesional do Burela Pescados Rubén. Tras completar a súa formación deportiva durante a tempada anterior, compaxinando o equipo senior e de Terceira División. O xogador burelés convenceu a Juanlu Alonso para formar parte, a todos os efectos, do equipo profesional da entidade laranxa. Durante a tempada anterior Carlos Valle xa adestrara con regularidade co primeiro equipo e disputado algúns encontros da máxima categoría. Con 20 anos, a á-pivot mariñao gañouse a oportunidade de integrarse completamente na dinámica do equipo profesional grazas a súa progresión e actitude. Na tempada 2014/2015, o club manterá a mesma política de potenciar a canteira e, nesta ocasión, serán Renato, Helder, Antón e Erik os que teñan a oportunidade de avanzar na súa formación deportiva adestrando con regularidade co primeiro equipo e compaxinando partidos co filial. O canteirán estivo acompañado na súa presentación na oficina do club polo presidente, Manuel Blanco, e o adestrador do primeiro equipo, Juanlu Alonso.
O presidente declarou sobre a incorporación definitiva do canterano que é “un orgullo para o club ir subindo xogadores da canteira ao equipo senior. A presenza de Carlos como xogador profesional referenda a nosa aposta polas categorías de base, política que potenciamos aínda máis esta tempada coa presenza de Renato, Helder, Erik e Antón. Con eles realizarase o mesmo procedemento que se levou con Carlos; adestramento habitual co equipo senior e os partidos en función das necesidades do equipo. Con iso fomentamos que o seu período de formación se enriqueza e que estean mellor preparados para dar o salto definitivo do mesmo xeito que sucedeu con Carlos”.
Pola súa banda, Carlos Valle comentou que “é unha ilusión enorme formar parte do equipo senior. É un soño feito realidade, levo nas categorías de base desde benxamíns e para a min é unha gran oportunidade que quero aproveitar.Confío nas miñas posibilidades e quero aportar o meu gran de area para conseguir os obxectivos fixados polo club”. O técnico laranxa, Juanlu Alonso, valorou é ascenso de Carlos Valle como “unha noticia positiva para a entidade. Esperamos que esta tempada avance un paso máis na súa formación. Está tendo unha boa progresión e a nosa ilusión é que sexa a tempada da súa confirmación. Na anterior realizou un gran traballo, confiamos en que continúe coa súa evolución e o seu esforzo e dedicación teña os seus froitos esta tempada”.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
