Viveiro, 8 de agosto de 2013. Os 30 nenos e nenas saharauís acollidos por familias da provincia de Lugo, 9 deles na Mariña, que participan no programa Vacacións en Paz, que organiza a asociación Solidariedade Galega co Pobo Saharauí, desfrutarán mañá dun día de convivencia e actividades en Viveiro grazas ao apoio da Vicepresidencia da Deputación de Lugo. O vicepresidente da institución provincial e responsable da área de Benestar Social, o nacionalista Antonio Veiga, pasará mañá o día en Viveiro cos rapaces e rapazas saharauís compartindo unha xornada de lecer e compartindo experiencias con eles e coas familias galegas que os acollen nestes dous meses de verán.
A Deputación de Lugo financia esta xornada así como parte da súa estancia en Galiza dentro do programa Vacacións en Paz, que ten por obxectivo “que estes nenos e nenas saharauís poidan escapar dos 50 graos de temperatura que hai nesta época do ano no deserto, vivir outra realidade distinta á que están acostumados e recibir tratamentos médicos e revisións aos que non poden acceder nos campamentos de refuxiados nos que viven en pleno deserto do Sáhara en Tindouf, Alxeria”, explica Antonio Veiga.
O vicepresidente da Deputación recibirá ás 12 do mediodía aos nenos e nenas saharauís e ás súas familias no Parque Pernas Peón, no paseo marítimo de Cobas. Xunto a eles, tamén estarán presentes Maite Isla, presidenta da asociación Solidaridade Galega co Pobo Saharauí; Habibulah Mohamed, delegado saharauí da Fronte Polisaria para Galiza; e Hmetu Mohamed, presidente dos emigrantes saharauís en España.
Se o tempo o permite, os nenos e nenas saharauís desfrutarán dun día de praia en Cobas, onde teñen organizadas actividades como fúlbol praia ou tenis praia. Despois de comer poderán participar en actividades multiaventura como escalada en rocódromo, tirolina ou tiro con arco. Se chove está previsto que todas estas actividades se trasladen ao pavillón municipal de Viveiro.
Solidariedade das familias lucenses pese á crise
Pese á crise, o número de familias que acollen a nenos e nenas saharauís mantense con respecto a anos anteriores, o que é síntoma da “sensibilización e solidariedade” das familias lucenses con este conflicto. En concreto, estes nenos e nenas están acollidos con familias dos concellos de A Pastoriza, Antas de Ulla, Barreiros, Castro de Rei, Cervo, Cospeito, Guitiriz, Lugo, Monterroso, Pol, Ribadeo, Samos, Vilalba e Viveiro.
Neste sentido, Antonio Veiga explicou que “dende a Vicepresidencia da Deputación de Lugo cremos que as familias están facendo un labor digno de loar, sobre todo en épocas nas que a situación económica non é moi favorable”, lembrou. “Asímesmo –dixo- queremos amosar a nosa solidariedade con estes nenos e nenas e con todo o seu pobo, a nosa solidariedade na loita deste pobo pola súa soberanía en contra da tiranía que exerce Marrocos violando as resolucións de Nacións Unidas que deixan claro o dereito a autodeterminación”.
Un pobo que leva vivindo 40 anos no exilio
“A xornada de convivencia con estes nenos e nenas que sofren as consecuencias deste conflito, pretende ser, tamén, un recordo cara todos aqueles que se atopan nos territorios que o Estado de Marrocos mantén ocupados dende hai 40 anos, coa connivencia do Estado español, co obxectivo de quitarllos a aqueles que teñen o lexítimo dereito sobre eles, os saharauís. Os nacionalistas galegos sentímonos solidarios co pobo saharauí porque compartimos a loita por ser donos do noso e dotarnos dun Estado propio”, dixo.
Ao mesmo tempo, Antonio Veiga fixo un chamamento a toda a cidadanía para “que non se permita que Israel faga co pobo palestino o mesmo que Marrocos fixo co pobo saharauí hai 40 anos: exterminalos e expulsalos do seu territorio mentras a comunidade internacional miraba para outro lado”.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.