Burela, 2 de agosto de 2014. No día grande do primeiro fin de semana de agosto en Burela, na xornada na que se celebra a XXX Feira do Bonito, o alcalde, José Mª González Barcia, e a conselleira de Medio Rural e Mar, Rosa Quintana, asistiron este sábado á proxección de dous audiovisuais sobre a guerra do bonito, da que se cumpre o vinte aniversario.
A mediodía tivo lugar a recepción en barco museo Reina del Carmen a autoridades e invitados, procedeuse á entrega ao Concello dos galardóns bandeira azul que recibiron o barco museo, a aula de educación ambiental Gaia e o sendeiro azul que conseguiron este ano, por primeira vez, os paseos marítimos de Burela. O rexedor lembrou que “o barco museo Reina del Carmen conta con bandeira azul, de xeito ininterrumpido, desde o ano 2002 e que Gaia, creada polo Concello en 1998 conta con bandeira azul desde o ano 2000”.
González Barcia destacou “o enorme traballo desenvolvido a favor do medio ambiente e a sostibilidade que se ven facendo desde 1995, o esforzo por unha formación sostible da persoa desde a infancia coas actividades de Gaia, e grade importancia de que as xeracións presentes e futuras coñezan a fondo a vida do mar e das distintas artes de pesca e os seus efectos, a través deste barco museo”.
O alcalde de Burela engadiu: “os premios que hoxe reciben son o resultado das políticas medioambientais activas que se puxeron en práctica durante os anos 1995, 1996 e 1997 e que tiveron continuidade no tempo. Grazas a todas as persoas que ao longo destes años traballaron e colaboraron para que isto sexa hoxe, en 2014, unha realidade co convencemento de que queda moito por facer, pero estamos na boa liña”.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
