Foz, 25 de agosto de 2014. O alcalde focense, Javier Jorge Castiñeira, destacou este luns o éxito que supuxo para o concello de Foz a cuarta Festa Normanda, celebrada o pasado fin de semana no municipio. O rexedor agradeceu o “bo traballo” levado a cabo pola comisión organizadora do evento, así coma polos traballadores municipais, e recoñeceu que “as cifras serán difíciles de superar, aínda que a xente xa está a pensar na quinta edición”.
Castiñeira felicitou á comisión da Festa Normanda por “levar a cabo unha organización perfecta” e afirmou que “para o Concello é un verdadeiro orgullo traballar cun grupo de persoas tan implicadas e que teñen as cousas tan claras. O certo é que os resultados están aí. Foi unha Festa Normanda que terá moi difícil superarse e volver a atraer a tanta xente como a que houbo todo este fin de semana en Foz.
Especialmente o sábado, que foi o día grande co acto do desembarco e tamén co desembarco na hostalaría durante toda a tarde e toda a noite . En xeral foi un fin de semana cheo de actividades cun éxito absoluto, xa que acompañou o tempo e, o máis importante, non houbo que rexistrar ningún incidente salientable”.
O responsable municipal quixo tamén agradecer “a labor de todos os compañeiros e traballadores municipais que colaboraron coa organización da Festa Normanda, sobre todo na montaxe de diferentes escenarios onde houbo actividades, empezando polo Bispo Santo e pasando polas praias e a zona do porto. Principalmente o domingo os operarios municipais fixeron un esforzo de limpeza importante que quero agradecerlles, un esforzo que ao final redunda en que a xente saíu moi contenta e moi animada”.
Javier Castiñeira destacou que “trátase dunha festa que realmente nos está a sorprender a todos. Encaixou moi ben no pobo e nada máis rematar a xente xa está pensando na quinta edición. Iso é algo moi positivo para todos nós porque significa continuidade. Dende o Concello queremos agradecer a participación a todos aqueles que colaboraron co seu financiamento, facendo posible que a Festa Normanda puidese desenrolarse con total normalidade e que este rapaces puidesen dispoñer de medios suficientes para poder levar a cabo as actividades que tiveron lugar esta fin de semana”.
O alcalde focense aproveitou o agradecemento á comisión organizadora da Festa Normanda para recordar que a programación municipal continúa activa esta semana coa posta en marcha de dous novos eventos. “Esperámosvos dende este xoves xa na Feira Multisectorial da Mariña e na Feira do Libro, que terán lugar a partir da tarde dese mesmo día aquí, en Foz”, salientou Castiñeira.
Esta interiorista ofrece os seus servizos a persoas que senten que a súa vivenda xa non encaixa con elas, que lles gustaría facer cambios pero non saben por onde empezar ou que están a piques de entrar nun domicilio novo e se estresan só de pensar todo o que hai que decidir.
Os feitos iniciáronse o pasado martes, cando unha patrulla identificpi a unha veciña de Cervo, de 32 anos de idade, a cal, ao observar a presenza dos axentes apeouse do vehículo que conducía, permitindo que o seu acompañante continuase o traxecto. A maneira de actuar de ambos levanto as sospeitas dos axentes, polo que se procedeu a identificar aos dous ocupantes do turismo, comprobando que a persoa que inicialmente o conducía nunca obtivera permiso de conducir algún. Transcorridas menos de 24 horas e, paradoxalmente no mesmo lugar, observouse a un veciño de Mondoñedo de 51 anos de idade, o cal conducía un vehículo malia constarlle unha perda de vixencia do permiso de conducir por esgotamento de puntos. As dilixencias policiais foron remitidas ao Xulgado de Instrución de Garda de Mondoñedo.
É a 15ª edición que, nesta ocasión, se celebrará as fins de semanas do 16-17 de maio (na zona de Abrela, Folgueiro e San Román) e do 23 e 24 de maio (na zona de O Vicedo). Unha oportunidade de probar as especialidades dos restaurantes e cafeterías locais e de participar nun sorteo de 2 pranchas de asar. Os establecementos participantes entran no concurso ao mellor pincho que será votado exclusivamente polos clientes que acudan mediante voto directo en urna con cada pincho que terá un prezo de de 4€.
Na categoría ata 8 anos: 1º Paula Martínez, 6 anos. 2º Samuel Riera, 7 anos. 3º Valentina Blanco (5 anos) e Iara Pruneda (7 anos). Empate. Na categoría de 9 a 11 anos: 1º Lily Fernández, 9 anos. 2º Lily Fernández, 9 anos. Na categoría de 12 a 16 anos: 1º Iria Baltar, 12 anos.
Terá lugar o venres 23 de maio ás 20,00 horas na sala de exposicións de Regalxunqueira – Viveiro. Ademais do autor participarán a Presidenta do Club de prensa de Ferrol, Julia Diaz Sixto e María José Leira Ambrós, bióloga e sobriña da científica. Serviranse uns petiscos.
Foi baixo o título: Coñece os teus dereitos como consumidor, enmarcado nesta ocasión nunhas xornadas participativas nas que se abordarán neste mes de maio temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asoc. Xubilados Terramar. As próximas charlas serán os martes 20 e 27 de maio, no local social da asoc. de Xubilados Terramar, na Casa do Mar.
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
