A moi rápida (pouco máis de 24 horas) elección de Robert Prevost como novo Papa, este 8-M, amosou o ben que funcionou a maioría cardinalicia xurdida dos nomeamentos do finado do Papa Bergoglio (fálase máis dun cento dos cardeais, máis ou menos ¾, fronte aos 2/3 requiridos para a elección polo Dereito Canónico) e fai moi evidente o rechamante fracaso da extrema dereita eclesiástica (coa que se aliñou no estado español o xornal web Infovaticana, que teimudamente tentara desprestixiar ao cardeal Prevost e a outros posíbeis candidatos adscritos ás sensibilidades máis bergoglianas).
Mais na propia e amplísima maioría bergogliana da investidura papal abrollan varias sensibilidades. Non faltou quen salientaba o fenómeno bergogliano como primavera que non dera paso ao verán (como afirmou o eminente teólogo galego Victorino Pérez Prieto) ou quen suliñara diversas propostas de ampla remuda que despois non se acadaron na praxe bergogliana.
Os poucos días do mandato de Robert Prevost amosaron un xeito de comunicar máis formal e menos latino, mais tamén unha nomeada preocupación por dous dos puntos cardinais do maxisterio bergogliano: a paz e o ambientalismo.
Na fronte da paz o norteamericano-peruano afirmou este domingo 11-M a necesidade de parar o xenocidio en Gaza e garantir a salvación da poboación a medio da chegada da axuda humanitaria que impiden Israel e os USA, lembrando tamén a urxencia da liberación por Hamas de todas as persoas israelís collidas o 7-Ou de 2023 como reféns. E tamén amosou a súa grande discrepancia coa agresión rusa da Ucrania e mesmo coas propostas parciais de tregua da Administración Trump.
No que atinxe ao ambientalismo as persoas máis coñecedoras do novo Pontífice afirman a súa conexión coa sensibilidade ecoloxista do papa Bergoglio e coa necesidade dunha acción global e urxente fronte aos perigos do cambio climático.
Máis descoñecida é a proposta do novo Papa fronte á integración das persoas divorciadas e dos colectivos LGTBI da comuñón eclesial e da apertura á participación das mulleres na gobernanza da Igrexa e, en último de contas, nas ordes diaconal e presbiteral.
Estes días non faltaron opinións que reflectían, con razón, a anomalía dunha Institución de milleiros de millóns de crentes gobernada por un único soberano vitalicio escollido, pola súa banda, polos mesmos cardeais de menos de 80 anos que el propio ou o(s) seu(s) antecesor(es) escolleron. Por moito que a Igrexa Católica sexa unha Institución con máis de 2000 anos de historia os signos dos tempos (vector da pastoral e da doutrina católicas segundo as conclusións do Concilio Vaticano II-1962/65-) o proceso de remuda doutrinal e organizativa non pode parar, de non ser enfrontando riscos inmediatos de cisma ou afastamento a respecto da maioría de crentes. Interpretacións doutrinais ou pastorais e cosmovisións como as dos cardeais Rouco Varela ou Cañizares non poden volver estar no foco da Igrexa se ésta non quere certificar o seu definitivo divorcio co mundo.
Quer sendo crentes, quer sendo agnósticos (ou mesmo tendo días) o que millóns reclaman da Igrexa é que estea nas fronteiras e nas periferias, como predicou Bergoglio : ao carón das persoas pobres e excluídas, coa dignidade e os dereitos humanos e liberdades, coa xustiza social e coa compatibilidade entre produción económica e ecoloxía. E isto será moi difícil se a Institución teima nunha organización monarco-oligárquica excluíndo monxas, mulleres en xeral e leigos. A sinodalidade integradora, é dicir, a democratización real da Igrexa, é o único camiño.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
