Ribadeo, 12 de maio, 2025. Este xoves 15 de maio, ás 20,30h. a A.C. Francisco Lanza organiza a actuación das Erikas e Peluxías ao longo das rúas ribadenses, ao pe de varios dos balcóns que dan acubillo ás “Palabras na varanda”.
Nesta ocasión, e ao mesmo tempo que se celebra o Día das Letras Galegas dedicado ás cantareiras, vanse engalanar os balcóns con múltiples referencias ás mulleres que durante anos mantiveron viva a nosa tradición musical e as cantigas que lle daban contido.
O percorrido comezará na rúa San Francisco, fronte á igrexa, e despois os asistentes desprazaranse até a Praza de Abaixo para, a continuación, achegarse á rúa Antonio Otero, á altura da Biblioteca Municipal El Viejo Pancho, rematando na rúa Rodríguez Murias, cabo do mural dedicado a Rosalía de Castro.
“Serán catro paradas acompañadas de música, de breves referencias literarias, e da calor coa que sempre animan os homes e mulleres amantes da cultura e da vida cívica das nosas rúas. Cando Francisco Lanza facía falar ás xentes de Ribadeo, cando os socios e socias fundadoras da Agrupación Cultural Francisco Lanza animaban á lectura a través da celebración da Feira do Libro en Galego, cando todos e todas nós participamos nos actos culturais que van balizando a nosa vida en comunidade, entoamos a coro a mellor e máis melodiosa das cancións: encher de vida as nosas letras galegas. Mil primaveras máis para a nosa lingua!”.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
