Castro de Rei, a 12 de maio de 2025. A CIG quere facer pública a preocupante situación asistencial que se dá na residencia de maiores de Castro Ribeiras de Lea (Castro de Rei) pola política da empresa que xestiona o centro, CK Senior, de non facer contratacións para substituír o persoal que está de baixa, vacacións ou excedencia. Isto provoca que o resto do persoal teña que asumir unha sobrecarga de traballo brutal e, o máis grave, a desatención das persoas residentes.
Dende hai un tempo, a política da empresa consiste en cubrir estas ausencias co persoal de apoio que hai en carteleira, pero que está previsto para cubrir incidencias puntuais ao longo do ano. “Á empresa dálle igual que as quendas estean sen cubrir”, denuncian as delegadas da CIG.
Explican que a falta de profesionais afecta especialmente ás categorías de enfermería e xerocultora, dándose de maneira habitual quendas de noite nas que só hai unha enfermeira e dúas xerocultoras, cando por ratio de residentes deberían estar presentes dúas enfermeiras e catro xerocultoras.
Chegouse incluso ao extremo de permanecer 24 horas sen presenza de persoal de enfermería, cando nesta residencia viven máis de 170 persoas, a maioría delas grandes dependentes.
Cando se dan estas circunstancias, por orde da dirección do centro, non se poden facer cambios de cueiros nin cambios posturais ás persoas residentes, limitándose as traballadoras a facer “ronda”. As delegadas da CIG advirten das consecuencias que ten para a saúde das e dos residentes esta falta de atención, xa que se poden producir úlceras, irritacións etc.; ademais do malestar e a incomodidade que implicar botar toda a noite na mesma postura ou co mesmo cueiro sucio.
Subliñan que “é un dereito das persoas residentes recibir unha atención digna e en condicións de calidade” polo que instan a Consellaría de Política Social a asumir as súas responsabilidades e realizar o labor inspector que lle corresponde. “Non se pode abandonar deste xeito ás persoas usuarias”, inciden, menos aínda cando estamos falando dun centro de titularidade pública, aínda que ten a xestión privatizada.
Sen servizo de fisioterapia
O problema da falta de persoal esténdese a outras categorías como fisioterapia, que está sen cubrir e as persoas usuarias non poden recibir a rehabilitación que precisas. De feito, hai persoas usuarias “que están recibindo tratamento no HULA e dende o hospital mándanos de volta para a residencia asegurándolles que aquí van continuar coa rehabilitación, pero é mentira, porque non hai fisioterapeutas”.
A todo isto hai que engadir o deterioro na calidade da comida que se sirve ás e aos residentes, que empeorou substancialmente dende a entrada da nova empresa que se encarga das compras. “A comida prepárase na residencia, pero o produto que se cociña mércao unha empresa externa, e dun tempo a esta parte a calidade empeorou, a comida é escasa, mal preparada e abúsase da fritura. Incluso hai residentes que traen comida de fóra para comer”, advirten. Entenden que este deterioro na alimentación forma parte tamén da política de aforro da CK Senior.
Por iso, a CIG demándalle a Consellaría de Política Social que actúe para garantir tanto que se respectan as condicións laborais das traballadoras como unha atención digna para as persoas residentes.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
