Milladoiro e Lina e Lola porán o broche musical a unha xornada pensada para público de todas as idades
Muras, 12 de maio de 2025. Muras prepara a IX Romaxe Artesá da Chaira, que se celebrará o vindeiro 24 de maio na área recreativa da Veiga coa colaboración da Vicepresidencia da Deputación de Lugo.
O evento presentouse esta tarde nun acto en que participaron a deputada de Cultura, Iria Castro, o alcalde de Muras, Manuel Requeijo, a tenente de alcalde, Paula Gómez, a concelleira de Servizos Sociais, Azucena Camba, o artesán Marcos Ladra e Pilar Carballido Amor e Fina Carballido Amor da Asociación de Mulleres Rurais de Muras,que entregaron ao Concello unha talla do escudo de Muras.
A piques de cumprir unha década, Manuel Requeijo lembrou o impulso inicial “da Asociación de Obradoiros Artesáns da Chaira que nos propuxeron a celebración da romaxe en Muras, un concello rural, labrego e con tradición de oficios. Estaremos sempre agradecidos por traernos a idea e colaborar na organización ao longo destes anos”.
A este respecto, incidiu na calidade dos postos de artesanía, “cunha calidade contrastada e seleccionados para formar parte da Romaxe” e destacou a aposta por un ampla programación musical e lúdica pensada “para un público variado, especialmente para familias con crianzas”
A deputada Iria Castro valorou “a aposta do Concello de Muras por unha programación pensada para o público máis novo” e encadrou o apoio á organización da Romaxe “na colaboración que desde a área de Cultura se mantén con concellos e asociacións para facilitar o acceso á cultura en todo o territorio, xa que entendemos que as mellores propostas culturais e lúdicas teñen que estar presentes tamén nos concellos rurais”
A área recreativa contará tamén cunha exposición de fotografías dos traballos da Asociación de Mulleres Rurais realizadas por Mayder Pumariño.
Programa
A zona da feira, con 24 postos de artesanía -todo o espazo dispoñible na carpa-, abrirá ás 11.00 horas acollerá ao longo da xornada diferentes actividades arredor dos oficios tradicionais para dinamizar o espazo e fomentar a participación e a interacción do público. Entre elas, unha demostración de tallado de escultura a cargo de Borja Insua, un obradoiro de iniciación ao grabado de madeira para persoas adultas e un obradoiro de elaboración de galletas a cargo de Torta de Sarria para a cativada.
As Mulleres Rurais de Muras tamén mostrarán na Romaxe as pezas de madeira que realizaron nos cursos de obradoiros de artesanía que desenvolven ao longo do ano, na que participaron unha vintena de persoas.
Milladoiro (21.15 horas) e o grupo emerxente Lina e Lola (20.00 horas) porán o broche musical a unha xornada con espectáculos pensados para o público infantil, con Peter Punk e Brais das Hortas (13.00 horas), Pakolas (17.00 horas) e xogos tradicionais con Xotramu (11.00 e 16.00 horas). Ademais, alumnado do IES Basanta Silva fará unha exhibición de regueifas (12.00 horas) e a Mekánika Rolling Band ambientará o recinto antes do xantar (14.00 horas)
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
