O Vicedo, 14 de maio, 2025. Hoxe presentouse a quinta edición do Trail do Vicedo que se disputará o vindeiro fin de semana, concretamente o domingo 18 de maio. Nesta presentación participaron membros da directiva do Clube Peña Lar Trail así como o alcalde do Vicedo, Jesús Novo Martínez e personal municipal encargado da área de turismo.
Na presentación subliñouse a alta participación este ano nas 3 categorías existentes: Trail longo (25K), Trail curto (15K) e andaina (15K) conformando un total de 370 participantes, aumentando respecto á edición anterior. Tamén se sinalaron algunhas novidades respecto á edición anterior:
-Cambio de ubicación da saída/meta: Cambia á zona do parque do entorno da Casa da Cultura, co obxectivo de facilitar a organización e comodidade para os participantes, ao dispoñer dun gran entorno cuberto na zona do parque.
-Cambios pequenos nos percorridos. Como todos os anos, abriuse algún pequeno tramo novo co obxectivo de destacar a beleza natural da costa e interior do Vicedo.
O Trail do Vicedo naceu no ano 2019 debido á forte demanda existente actualmente deste tipo de eventos deportivo/turísticos que aproveitan as mellores rutas turísticas de cada zona constituindo unha actividade con
diferentes atractivos, tanto o deportivo como o natural.
Despois do éxito das 4 primeiras edicións, onde destacan sobre todo as disciplinas de 15K e andaina, mantívose a idea de organizar este Trail polos resultados de público e opinións xa que ata aquí se achegan deportistas de toda Galicia.
O percorrido do trail longo comezará na Rúa Francisco Vilasuso para adentrarse nas montañas do interior ata volver á costa pola zona de Fuciño do Porco e regresar pola ruta PR G 156 Costa de O Vicedo, co que percorrerá a costa de leste a oeste. O trail curto percorrerá o trazado entre o Fuciño do Porco e o Porto do Vicedo, transitando tamén a cost ado Vicedo de leste a oeste.
Todas as modalidades rematarán na Rúa Francisco Vilasuso co cal se pretende que haxa un final de competicións, moi vistoso, en torno ao mediodía. Alí procederase á entrega de trofeos aos mellores clasificados de cada categoría, así como premios aos máis veteráns, aos locais.
Para o evento contarase coa colaboración imprescindible do club Peña Lar de Trail, de Viveiro, que axudará tanto na preparación e marcaxe das rutas como no desenvolvemento da proba, coordinación, vixiancia e difusión do evento nos meses anteriores á competición.
En resumo, o Concello de O Vicedo coa organización deste evento quere cumprir varios obxectivos:
– Completar a súa oferta sociocultural e deportiva do ano, non só en época estival senón durante todo o ano.
– Responder á demanda actual de organización de eventos deportivos polos montes e rutas dos concellos.
– Mostrar aos asistentes á carreira e ao público a beleza natural do Concello de O Vicedo, xa que que pasará por 5 das praias do municipio, a costa, a illa Coelleira, a Ría e o Fuciño do Porco.
– Potenciar a economía local co importante número de participantes que asistirán ao evento e, por tanto, poderán consumir na hostelería local.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
