Os senadores -José Manuel Balseiro. José Manuel Barreiro e Juan Serrano- deron a coñecer as respostas oficiais do Goberno de España a alcaldes e portavoces da zona da autovía A-8
Mondoñedo, 14 de maio de 2025. Os senadores do PP lucense – José Manuel Balseiro, José Manuel Barreiro e Juan Serrano- advirten da “falta de planificación” do Goberno de Sánchez para a implantación da solución definitiva para minimizar os problemas que provoca a néboa na autovía A-8 no Alto do Fiouco á vista de que, en resposta oficial ás súas preguntas, “evita concretar datas”.
As singulares condicións meteorolóxicas no entorno do Alto do Fiouco producen episodios de densa néboa que dificulta a condución en condicións de seguridade e que, nalgúns casos, obriga a desviar o tráfico pola estrada nacional N-634 entre Abadín e Mondoñedo. E para minimizar os problemas que provoca a néboa, o Goberno de España explorou posibles solucións innovadoras sen adoptar por agora ningunha solución definitiva.
“Concluída xa a fase de experimentación a finais do 2021, despois de 3 anos e medio, o Goberno continúa sen implantar unha solución definitiva”; a pesar de que o comité técnico de expertos concluíu que o sistema de balizamento láser é eficaz e viable técnica e economicamente. “O propio Goberno recoñece que ten o proxecto en redacción; pero agora vai vir o verán, que é cando máis peches se producen neste tramo da autovía debido á néboa, e seguimos sen dispoñer dun sistema que mellore a seguridade viaria en condicións de visibilidade reducida”, engaden.
Os representantes do Partido Popular pola provincia no Senado deron a coñecer a alcaldes e portavoces dos municipios polos que pasa a autovía as respostas oficiais por escrito do Goberno de España ás súas preguntas.
Os populares téñense interesado polos ensaios e a eficacia dos sistemas para mellorar a seguridade viaria, a posibilidade de ampliar o tramo actualmente con balizas laterais detectoras de presenza -que o Goberno descarta porque non hai ningún proxecto de ampliación- e os motivos polos que se atrasa a instalación e posta en funcionamento do balizamento láser.
Os populares aseguran que “a nós preocúpanos a seguridade das persoas”; mentres que, á vista das respostas, “o Goberno parece máis preocupado polos números” toda vez que fala de horas de peche ao tráfico. De feito, é a autovía que máis peches rexistra ao ano en España. Pero tamén “parece que hai un afán recadatorio” dado que neste tramo da A-8 se atopa un dos radares que máis recada de España.
“Nin solucionan o problema, nin arranxan a N-634 que á alternativa entre Abadín e Mondoñedo cando pecha a A-8 pola densidade da néboa. A pesar de todo o que recadan, nada fan”, conclúen os populares.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
