Cervo, 1 de agosto de 2014- O grupo de goberno lamenta profundamente que ao PSOE de Cervo “non lle preocupen os accesos ao polígono de Cuíña, nin a seguridade dos veciños, nin a seguridade viaria nin o desenvolvemento económico e industrial do municipio”, tal e como asegura o tenente de alcalde, José Manuel Balseiro. O voceiro do goberno local fai estas declaracións despois de que onte no pleno os socialistas non votasen a favor de pedirlle á Deputación que remate os accesos ao parque empresarial.
En concreto, a corporación debateu unha moción do grupo de goberno que entrou na orde do día pola vía da urxencia, motivada polas constantes negativas da Deputación e polo accidente, o luns pasado, dun camioneiro que resultou ferido mentres buscaba o polígono.
Unha moción que o PSOE non apoiou, absténdose na votación. Polo tanto, os socialistas non quixeron aprobar o seguinte texto: “O Pleno da Corporación municipal de Cervo acorda instar á Deputación de Lugo a incorporar nos orzamentos provinciais para o ano 2015 unha partida económica coa dotación suficiente para a execución e remate completo das obras da estrada de acceso ao polígono industrial de Cuíña”.
Balseiro manifesta que “dende o grupo de goberno esperabamos que nun tema tan importante coma este houbese unanimidade” e, por suposto, “tamén confiabamos en que a voceira do PSOE puxese os intereses dos veciños por riba dos seus propios como vicepresidenta da Deputación”, pero “quedou demostrado que as súas preocupacións non teñan nada que ver con axudar aos cervenses”.
O voceiro do grupo popular insiste na necesidade de que a Deputación, “remate o que comezou” deixando claro que “os terreos afectados polos accesos son de titularidade da Deputación”, polo que “é un tema da súa exclusiva competencia”.
Balseiro pídelle ademais ao grupo socialista que reflexione sobre a actual situación que vive o municipio. “Non lles preocupa que todos os días decenas de camións, algúns con cargas perigosas, e de moita tonelaxe, pasen por diante do instituto de secundaria, do centro de saúde, do pavillón de deportes, ou do campo de fútbol?”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
