Ribadeo, 1 de agosto de 2014. O Forte de San Damián, de Ribadeo, abre de novo as súas portas dende este venres para albergar a exposición Cactus. Nela móstranse as fotografías que Gonzalo Moure, Pablo Amargo e Alejandro Braña realizaron para homenaxear o traballo que durante anos levou a cabo José Trenor: un artista que se dedicaba a dar unha segunda oportunidade a variados obxectos de refugo, plantando neles cactos e convertendo as pezas en esculturas vivas. E os seus familiares decidiron capturalos en fotografías antes de que desaparecesen. A exposición, que poderá visitarse no forte ata o vindeiro 10 de agosto en horario de 12:00 a 13:30 e de 18:00 a 20:30, recolle esas fotografías. A exposición foi presentada hoxe coa presenza do responsable da mostra, Gonzalo Moure; da concelleira de Cultura, Mari Luz Álvarez Lastra; do edil de Mocidade, Xavier Campos; e do ex alcalde ribadense Balbino Pérez Vacas.
Álvarez Lastra afirmou que “é un orgullo para Ribadeo e estamos moi contentos de ter esta mostra con nós porque realmente é unha obra de arte. Temos que agradecer a Balbino Pérez Vacas que nos puxese en contacto con Gonzalo Moure e coa familia de José Trenor, xa que foron quen amablemente nos cederon a exposición para traela a Ribadeo. Cando a vimos por primeira vez non sabíamos, como poñía no prólogo, se era botánica ou xardinería. Eu creo que é arte, unha obra de arte dun artista contemporáneo que tiña moitos anos de idade, pero que na súa mente e na súa creatividade demostraba o que está aquí. Dende o Concello queremos dar as grazas a familia por cedernos esta exposición, que, por outra parte, serve para que o Forte de San Damián non estea pechado.”
A concelleira engadiu que “aínda que Ribadeo é un pobo pequeniño, sabe amar a cultura, tela en conta e protexela. Ás veces é difícil facer as cousas porque os medios non son moitos e as infraestruturas pequenas, pero neste empeño de sacar adiante os temas culturais hai tres persoas, que son os traballadores municipais Hugo García Presno, Neves Paz e Alberto Moledo, que están sempre traballando ao límite para facer que teñamos a programación cultural que temos.”
Pola súa parte, Gonzalo Moure, sobriño de José Trenor e responsable desta exposición, agradeceu o interese do Concello ribadense e declarou que “sabíamos lo inevitable que era que estas obras maravillosas desaparecieran con el tiempo, ya que era la voluntad de José Trenor. En su obra no hay nada casual y cada captura suya de cactus en los objetos de desecho tenía un plan. En cada una de las piezas había una verdadera intención artística. Es botánica porque sin ella no habría podido hacerlo, pero sobretodo es escultura con un método que nadie en el mundo ha usado y que fue lo que maravilló a Pablo Amargo, uno de los mejores ilustradores del mundo, para que viese en esta una de las obras de vanguardia más importantes del siglo XX en España”. Moure recoñeceu que “en la familia siempre lo creímos así, pero había que realizar la muestra fotográfica antes de que llegase la piqueta del tiempo. Afortunadamente están aquí y el fuerte de San Damián es un lugar maravilloso para exponer las fotografías porque estamos a un escaso kilómetro en línea recta del lugar donde fueron creados los cactus por José Trenor”.
A mostra poderá visitarse ata o 10 de agosto no Forte de San Damián, logo volverá ao seu lugar de orixe, na localidade asturiana de Figueras. Alí seguirá expoñéndose de forma permanente na antiga fábrica de conservas La Idea.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
