Dende o PSdeG-PSOE de Burela queremos denunciar o uso pouco transparente e o despilfarro de cartos públicos que se fai dende o equipo de “desgoberno” do Partido Popular de Burela. O que denunciamos ven derivado da solicitude feita dende o Grupo Municipal do PSdeG-PSOE de Burela respecto ó cobro de dietas e desprazamentos que fan dúas Concelleiras do equipo de “desgoberno” do Partido Popular de Burela, en concreto as Concelleiras de Deportes e de Cultura que por norma fan tres desprazamentos a Santiago mensuais, non sabemos a que, sen ningún tipo de xustificación dos mesmos.
Despois de ver a documentación referida a dietas puidemos observar como estas dúas Concelleiras non xustifican para nada estes viaxes. Nin con quen se reúnen, nin a quen visitan, non presentan ningún tipo de xustificante de gastos (parking, autopista, comida, etc…), o que a todas luces nos parece moi grave. Recordemos que están a gastar cartos de todos os veciños e veciñas de Burela.
O pasado día 6 de agosto o PSdeG-PSOE de Burela presentou unha solicitude pedindo que se explicaran a xustificación de ditos viaxes, que nos custan os veciños e veciñas de Burela preto de 700 euros mensuais. Ante a negativa a proporcionarnos esta información por parte do Sr Barcia fainos pensar que estes “supostos” gastos de viaxe non son máis que soldos encubertos que se lles paga ás Concelleiras que non pertencen ás Xuntas de Goberno, unha compensación polos servizos prestados. É máis, a negativa a darnos esta información fainos supoñer que estes viaxes non se fan na realidade.
Ao noso xeito de ver estas actitudes non teñen cabida cando se fala de gastar os cartos dos veciños e veciñas que o están a pasar mal, en grande medida por culpa da suba de impostos ós que nos ten sometidos este equipo de “desgoberno” dende que chegaron ó goberno municipal.
Todo isto có beneplácito do Sr Barcia que é o que asina e aproba os pagos destas dietas, polo que entendemos que é o máximo responsable desta situación, e entendemos que debe de ser o que explique claramente ós veciños e veciñas de Burela quen, como e a onde se desprazan os membros do equipo de goberno, e para que xestións.
En caso de esta situación non se aclare e corrixa, o PSdeG-PSOE de Burela iniciará todos aqueles pasos que vexamos convenientes para aclarar en que e como se gastan os cartos dos veciños e veciñas de Burela, e que estes gastos sexan claros, transparentes e xustificados. Esa é a nosa labor.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
