Celeiro de Mariñaos, 16 de agosto. Unha tortilla de alcachofa, baixo o título de Contrastes, gañou o concurso de tortillas na categoría de I+D+i da romaría do San Caetano, en Celeiro de Mariñaos. A parroquia barreirense celebrou este venres e sábado a 19ª edición da súa Festa da Tortilla, con moito público e grande número de merendas no entorno da capela de San Caetano. No resto de categorías as tortillas gañadoras foron: A Galega, de 50 centímetros de diámetro, na categoría de tortilla máis grande (excluíndo a tortilla xigante que todos os anos elabora a Comisión de Festas para repartir entre os veciños); Tortilla de Romería, de pemento e cebola na categoría de mellor sabor; e Torpiña, unha tortilla imitando a forma dunha piña na categoría de mellor presentación. O xurado estivo presidido, como é habitual, por Javier Fraga e contou con outros catro membros escollidos entre os asistentes á festa.
O concurso de tortillas foi un dos platos fortes da romaría do San Caetano, que durante toda a fin de semana fixo volver a festa a Celeiro de Mariñaos. Un ano máis esta parroquia do Concello de Barreiros celebrou dous días de música, animación para todos os públicos e gastronomía nunha das citas de referencia do verán na comarca. A edición deste ano, venres e o sábado, reivindicou o “palco de lona e as verbenas de toda a vida onde a xente bailaba e participaba”, afirma Xabier López, presidente da Irmandade San Caetano, a Asociación Cultural e Veciñal que organiza a festa, fronte ás “orquestras-espectáculo, ao fenómeno Panorama e ás verbenas nas que ninguén baila e só se vai a mirar”.
UNHA FESTA PARTICIPATIVA
O Por iso, o San Caetano deste ano volveu “ás verdadeiras verbenas, as de toda a vida, con menos luces e menos wattios pero moito máis sentimento”, explica Xabier López. Como epicentro desa reivindicación está a programación, o sábado pola noite, dunha verbena dos anos 60 e 70, con temas dos grupos punteiros deses anos, tanto no panorama galego e español, como Pucho Boedo e Los Tamara, Andrés Dobarro, Los Brincos ou Fórmula V, como internacional, como o pop-rock anglosaxón dos Beatles, The Kinks ou Small Faces. Pero no San Caetano deste ano non faltará tampouco, como vén sendo habitual, a música galega, o concurso de tortillas, os xogos para os máis pequenos e a verbena ata ben entrada a noite.
Este sábado foi o día máis familiar e dende primeira hora da mañá o entorno da capela de San Caetano foi tomado polas merendas e as tortillas, as verdadeiras protagonistas da romaría, que tamén incluiu pola tarde xogos para nenos e maiores, circo e malabares, música tradicional e pola noite verbena dos anos 60 e 70 cos grupos ‘Los Mecánicos’, da Coruña, e ‘Agua Marina’, de Viveiro.
Fernando Esclusa (Guru Deva), José M. Martínez (ex Deluxe, The Majestics) e Tito Ritman (Luis Moro & Tribeca’s Band) forman ‘Los Mecánicos’, un grupo coruñes formado no 2007 que tocan grandes clásicos da década dos 60 e 70 e mesturan o pop-rock anglosaxón de formacións como The Beatles, The Kinks ou Small Faces co variado cocktail de grupos españois da época, como Los Salvajes, Los Bravos, Fórmula V ou Los Brincos. Complementará a verbena Agua Mariña de Viveiro, que adaptou o seu repertorio para este sábado para incluír temas de grupos galegos desa época, como Pucho Boedo e Los Tamara ou Andrés Dobarro. A verbena rematará, como xa ven sendo habitual no San Caetano, co baile dos farois coas luces de toda a festa apagadas e unha grande chocolatada fin de festa.
O día anterior, o venres, pensado para a música tradicional galega o programa incluiu unha cea anticrise, a prezos populares, a base de empanada, chourizos asados e touziño. A música correrá a cargo do grupo ‘Os do Pilón’, de Arzúa, cos que a festa estivo garantida ate altas horas. Estes 13 mozos son especialistas en facer música nas tabernas, romarías e todo evento festeiro que se lles presenta. O seu repertorio recolle temas tradicionais da música popular galega, tanto instrumentais como cantados.
A festa está organizada pola Asociación Veciñal e Cultural Irmandade San Caetano. A edición deste ano conta ademais coa colaboración de distintas institucións, como a Vicepresidencia da Deputación de Lugo, e varias firmas comerciais.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
