MariñaPatrimonio organiza para o sábado 30 de agosto unha viaxe ao parque histórico do Navia, que comprenderá visitas aos castros de Coaña (Coaña), Pendia (Boal) e Chao Samartín (Grandas de Salime). Para a viaxe poñerase a disposición dos participantes un bus, que os recollerá dende Viveiro até Ribadeo. Comezarán cunha visita guiada ao castro de Coaña e á súa Aula Didáctica. Posteriormente trasladaranse ao castro de Pendia, tras cuxa visita terá lugar o xantar en Pezós, no mesón As Cortes. Tralo xantar desprazaranse até Grandas de Salime, onde aproveitarán para coñecer o seu Museo Etnográfico e rematarán a xornada coa visita guiada ao Museo e mailo castro de Chao Samartín. A actividade ten un custe de 25 euros para socios/as, desempregados/as e nenos/as e 30 para non socios/as. As prazas son limitadas e para anotarse e obter máis información contactar a través do correo mr.patrimonio@gmail.com ou do tfn. 616815120 (Toño).
Visita aos castros de Coaña, Pendia e Chao Samartín, da man de MariñaPatrimonio
Visita aos castros de Coaña, Pendia e Chao Samartín, da man de MariñaPatrimonio
Relacionado
-
A deputada de Cultura Iria Castro asistiu este mércores á Festa daFilloa, que reuniu no recinto feiral de Muimenta centos de veciños evisitantes arredor desta receita tradicional
-
O Concello de Vilalba, ABANCA e Afundación, a Obra Social de ABANCA, inauguraron na Sala Ramón Guntín de Vilalba, a mostra «Castelao grafista (facsímile)»
-
O 10 de maio desprazarase a Alfoz a ITV móbil para realizar inspeccións técnicas periódicas tanto a motos como a ciclomotores