Barreiros, 14 de agosto de 2014. Eido Dourado continua coa súa axenda de concertos estivais este domingo, 17 de agosto. A cantante galega Xiana Lastra será a encargada de subirse, a partir das dez da noite, ao escenario situado nos xardíns deste espazo artístico barreirense. Farao para presentar por primeira vez na Mariña ao seu novo grupo Puntada sen fío. A entrada será gratuíta ata completar aforo, coma xa ven sendo habitual nestes concertos organizados polo Eido Dourado.
O artista barreirense Celso Dourado definiu a Xiana Lastra coma “a promesa da voz do panorama musical galego. Xiana está considerada pola súa calidade vocal coma un pouquiño herdeira das Uxías e de todas estas cantantes que temos no noso país. Xa dende a súa xuventude foi unha muller moi experimentada dentro do eido da música, aí está o espectáculo O meu primeiro Celso Emilio, onde era unha das voces principais xunto con Mini e Mero e María Manuela ou A miña primeira Rosalía, que foi un proxecto moi similar. Neste caso, Xiana vai presentar na Mariña o seu novo grupo aquí, no Eido Dourado. Trátase de Puntada sen fío de recente creación, pero que supón unha aposta firme. Xiana tamén é a voz do grupo de percusión Odaiko e é unha persoa moi preparada que nunca deixa indiferente a ninguén”.
Dourado adiantou que “o repertorio que vai cantar será esencialmente en galego. Ela ademais de interpretar creacións propias, musica e canta composicións de distintos poetas e penso que pode estar moi interesante”. Dourado recordou que “a cita será a partir das 10 da noite, xa que sempre aproveitamos a caída do sol para ver o cambio que experimenta a iluminación dos nosos xardíns ao atardecer. A entrada, coma sempre, será libre ata completar aforo. Invito a todos a vir ao Eido Dourado e ver a unha muller que posiblemente vai dicir moito dentro do panorama musical galego”.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
