Remedios López.- Un ano máis celebrouse a festa do bonito de Burela, unha festa que intenta recoñecer o traballo dos mariñeiros e dar a coñecer a pesca do bonito como motor económico importante da vila. Unha festa que ten o título de festa de interés turístico. Noutros anos as asociacións do Concello de Burela participaban nos Xogos da Costeira que sempre eran un atractivo máis para os turistas e visitantes da feira, ou nas regatas náuticas que organizaba ou colaboraba o Concello que daban un prestixio a un pobo mariñeiro coma Burela. Nada de iso se pode disfrutar na trixésima edición da festa que se celebrou onte en Burela.
O alcalde para darlle algo de contido os actos institucionais ten que chamar a “viva voz” as autoridades asistentes ao acto, xa que nin os seus compañeiros do propio partido participan de forma voluntaria no acto de izado da bandeira azul no barco museo Raiña do Carmen, nin no pregón de apertura da festa, andarían moi ocupados. E máis, os propios Concelleiros deste equipo de “desgoberno” non asisten aos actos públicos. Temos o caso da concelleira do Mar (Patricia Eijo), máxima responsable da Concellería de MAR que nin está nin se lle espera, a Concelleira de Cultura (Mónica Pedre) tampouco asiste e moitos veciños deixan caer que é mellor que non asista, o Portavoz Municipal e 1º tenente de alcalde (Manuel Valle,) que parece que se participa o alcalde el non asiste, repélense como os imáns de igual signo e por suposto a concelleira de deportes (Beatriz) que solo participa onde se cobra.
Esperemos que este ano tras o traballo feito por todos os voluntarios de forma altruísta, conseguira o seu fin, vender todas as racións elaboradas con moito esforzo e dedicación. Pois o único que encontramos positivo é que o barco museo volvera o ondear a bandeira azul que perdera nos anteriores anos da xestión do Partido Popular de Burela. Aínda que non nos estraña, xa que o abandono que está a sufrir o barco museo por parte deste equipo de “desgoberno” é alarmante chegando incluso a telo pechado para as visitas nos fins de semana de todo o que vai de verán, realmente a xestión deste equipo de “desgoberno” e un lastre para Burela e os seus atractivos turísticos.
Dende o PSdeG-PSOE de Burela queremos aproveitar para agradecer todo o traballo feito pola asociación Ledicia por manter viva esta festa que serve para seguir dando a coñecer o Príncipe Azul, o bonito de Burela en tódolos currunchos de Galicia e de España.
REMEDIOS LÓPEZ VILLAR
Concelleira do PSdeG-PSOE de Burela
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
