Santiago, 4 de setembro de 2014.- A Consellería de Economía e Industria, a través da Fundación Centro Galego da Artesanía e do Deseño, impulsa a oferta formativa para o sector artesán galego coa organización de seis cursos que se celebrarán entre os meses de setembro e outubro en diferentes localidades galegas. O coiro, o encaixe, o vidro, a plumería e os complementos de moda son as áreas nas que se centran estas actividades gratuítas, que poden solicitar os profesionais do sector artesanal galego a través da páxina web www.artesaniadegalicia.org.
As actividades comezan a semana do 8 ao 13 de setembro coa celebración en Gondomar do curso “Perfeccionamento de elaboración de contas de vidro con soprete”, impartido pola artesá Susana Pereira Armada, que continuará a actividade formativa desenvolvida durante o mes de abril deste mesmo ano.
Do 22 ao 27 de setembro o reputado deseñador belga Serkan Cura, especializado na técnica da plumería aplicada á alta costura, estará na Escola Mestre Mateo en Santiago de Compostela para impartir “Técnicas de plumería para moda”.
O día 8 de outubro impartirase en Santiago de Compostela o curso “Atención excelente ao cliente de xoiería” a cargo de Eloy Gesto e de oito horas de duración. O artesán Vidal Revilla, pola súa parte, levará a cabo no seu taller de Cervo o curso “Perfeccionamento da volumetría en coiro”, os días 18, 19, 25 e 26 de outubro.
Tamén nos meses de outubro e novembro terá lugar a actividade “Complementos de moda: usos, visións e experiencias” no que participarán destacados representantes do sector téxtil por separado, e de forma conxunta nunha mesa redonda que porá o broche final á actividade. Este curso, que se desenvolverá na sede da Fundación Luis Seoane da Coruña en datas aínda por confirmar, participarán os deseñadores de moda Nicolas Vaudelet e Asaad Awad, a empresa téxtil Peseta, así como Juan Gutiérrez e Lucina Llorente, conservador e responsable do Estudo dos Tecidos, respectivamente, no Museo do Traxe de Madrid.
Sumado a estas actividades, Neda acollerá o curso “Perfeccionamento de empeces e remates do encaixe”, do 15 ao 19 de setembro, a cargo da artesá Alicia Sevilla.
Con estes seis cursos de formación súmanse máis de 20 actividades formativas impulsadas pola Consellería neste ano 2014, entre os que destacaron o curso de centón impartido pola especialista xaponesa Reiko Kato ou o curso transversal The handcraft experience: O proceso creativo. Aplicación e desenvolvemento no mercado actual, desenvolvido na Coruña a cargo da deseñadora de moda Sara Coleman e a artesá especializada en cestería e téxtil Idoia Cuesta. O encaixe, o vidro e a sombreirería centraron outros tres cursos de formación especializada durante o primeiro semestre do ano.
Durante os meses de xuño e xullo, a Consellería colaborou co Colexio Oficial de Xoiería de Galicia na organización de cinco cursos de formación especializada dirixidos a incrementar a innovación nas empresas de xoiería e a mellorar a súa competitividade dentro do sector. As actividades centrábanse no impulso á comercialización a través das redes sociais e da mellora da atención ao cliente no punto de venda. A comezos de xullo, no marco do III Encontro de Artesanía Tradicional e Popular, Agolada converteuse nun espazo de diálogo entre artesanía, deseño, arquitectura e moda, de reflexión sobre o proceso creativo e de novas propostas sobre a interacción da artesanía no desenvolvemento do rural, grazas aos cinco cursos de formación promovidos pola Consellería, relacionados co ecodeseño, a paisaxe, o deseño, a sombreirería e o proceso creativo.
A organización destas actividades de impulso á formación e á colaboración entre artesanía e outras áreas de traballo forma parte da estratexia da Consellería de Economía e Industria para promover o talento do sector artesanal galego e consolidar un sector competitivo e transversal, un dos grandes retos do novo Plan de Artesanía de Galicia 2014-2016, presentado en abril deste ano.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
