Xove (Lugo), 22 de setembro de 2014.- O presidente da Xunta, Alberto Núñez Feijóo, avanzou este luns, durante unha visita aos alumnos do obradoiro de emprego de Xove, a reactivación das obras da vía de alta capacidade entre Viveiro e San Cibrao. “No mesmo día de hoxe reactívanse as obras da vía de alta capacidade entre Viveiro e San Cibrao”, afirmou, unha infraestrutura “que esperamos que a finais de 2015, principios de 2016 estea finalizada”.
Na súa intervención, o presidente da Xunta asegurou que o Goberno galego proseguirá coas políticas que incrementan as posibilidades de crecemento da economía e a diminución do paro. “Estamos iniciando a recuperación económica. Non é fácil, pero xa non falamos de recesión económica e temos esperanzas fundadas en que a recuperación económica se converta en trimestres de crecemento e diminución do paro”, dixo, ao que engadiu que “Galicia leva xa catro trimestres consecutivos de incremento da economía”. “E tamén levamos dez meses con menor paro que no mesmo período do ano anterior. Neste momento hai máis de 20.000 persoas menos apuntadas nas listas do paro e máis de 10.600 novas afiliacións á Seguridade Social”, abundou.
Nesta liña, o mandatario autonómico garantiu o compromiso na Mariña con cinco grandes proxectos para “mover a economía, incentivar a creación de emprego e conseguir un inicio da recuperación económica”. Así, ademais da vía de alta capacidade entre Viveiro e San Cibrao, Feijóo referiuse ao gasoduto da Mariña, que cun investimento de 26 millóns de euros supón dar unha nova enerxía alternativa a miles de persoas e unha maior seguridade para a fábrica de Alúmina-Aluminio, dado que vai abaratar os custos da enerxía.
Así mesmo, aludiu ao acceso ao porto de Burela, unha obra básica a piques de iniciarse co obxectivo de mellorar os tráficos do porto; e á ampliación do Hospital da Mariña, adxudicado xa o proxecto construtivo do Plan director e ampliación do hospital.
No tocante ao Plan integral de conservación da praia das Catedrais, Feijóo precisou, tamén, que nas próximas semanas a Xunta contactará co alcalde de Ribadeo para presentar as propostas ambientais nas que está traballando a Consellería.
Aposta polos obradoiros de emprego
Na súa intervención, o presidente da Xunta destacou, ademais, a aposta do Goberno galego polos obradoiros de emprego, aos que se referiu como “instrumentos potentes” para o emprego, a formación e a cooperación. Sobre este último aspecto, Feijóo incidiu en que, ademais de estar ligados á realización de obras e servizos de interese para a comunidade local, este tipo de iniciativas abren un importante espazo de colaboración entre a Administración autonómica e os concellos, e promoven tamén a cooperación entre os propios municipios.
O titular do Executivo autonómico resaltou que neste momento Galicia conta con 53 obradoiros. Máis polo miúdo, afirmou que na provincia de Lugo o 61% dos concellos contan cun obradoiro de emprego financiado pola Xunta, o que significa que moitos municipios lugueses –ao igual que noutras provincias- están a presentar proxectos conxuntos.
Nesta liña e a modo de exemplo, subliñou que o Concello de Xove organiza un destes obradoiros en colaboración cos municipios de Burela e Cervo, no que están a participar 20 alumnos que reciben formación de pintura e xardinería. “En definitiva, un obradoiro de emprego con alumnos que traballarán principalmente na creación e acondicionamento de parques, xardíns, zonas verdes e sendas ambientais dos tres concellos”, concluíu.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
