Foz, 22 de setembro de 2014. O Concello de Foz celebrará o vindeiro sábado, 27 de setembro, a novena edición do Día da Bicicleta. A marcha terá un percorrido de 14 quilómetros e partirá ás 16.00 horas do Parque Infantil de Tráfico. Dende alí, dirixirase á Ruta das Praias e chegará á zona de avituallamento situada no Parque do Río Ouro. Posteriormente, os participantes realizarán o mesmo percorrido á inversa, regresando así ao punto orixinal de partida. Haberá premios para o/a participante máis novo/a, para o máis veterano/a, para a bicicleta máis engalanada e para o mellor disfrace. O resto de integrantes da marcha tamén poderán participar no sorteo de diferentes agasallos.
Dende a Delegación de Xuventude de Foz informan de que, coma en anteriores edicións, o evento estará aberto a persoas de tódalas idades, ofrecendo así a oportunidade a moitos pais e nais de practicar deporte ao aire libre cos seus fillos e fillas. Ademais recordan que a actividade non ten ánimo competitivo, senón unha finalidade lúdica coa que o Concello pretende potenciar o uso da bicicleta e os hábitos saudables entre tódolos colectivos.
Os interesados en participar neste evento poden inscribirse dende hoxe e ata o venres 26 de setembro na Casa da Xuventude de Foz, no teléfono 982.13.30.37 ou no enderezo electrónico xuventude@concellofoz.es. Tamén o poderán facer o mesmo día da celebración da marcha, entre as 15:00 e as 15:45 horas, no Parque Infantil de Tráfico.
Dende o Concello de Foz agardan que este noveno Día da Bicicleta se converta nunha gran festa interxeracional na que nenos/as e maiores gocen dunha tarde deportiva antes de que chegue o frío. Ademais agradecen a colaboración prestada polo Club Ciclista de Foz, Frutas Morriña, Motos Baltasar, Burela Bikes, Living Sport, Supermercados Froiz e Gadis, así como a participación da Protección Civil e da Policía Local de Foz, que fan posible un ano máis a celebración deste evento.
Esta interiorista ofrece os seus servizos a persoas que senten que a súa vivenda xa non encaixa con elas, que lles gustaría facer cambios pero non saben por onde empezar ou que están a piques de entrar nun domicilio novo e se estresan só de pensar todo o que hai que decidir.
Os feitos iniciáronse o pasado martes, cando unha patrulla identificpi a unha veciña de Cervo, de 32 anos de idade, a cal, ao observar a presenza dos axentes apeouse do vehículo que conducía, permitindo que o seu acompañante continuase o traxecto. A maneira de actuar de ambos levanto as sospeitas dos axentes, polo que se procedeu a identificar aos dous ocupantes do turismo, comprobando que a persoa que inicialmente o conducía nunca obtivera permiso de conducir algún. Transcorridas menos de 24 horas e, paradoxalmente no mesmo lugar, observouse a un veciño de Mondoñedo de 51 anos de idade, o cal conducía un vehículo malia constarlle unha perda de vixencia do permiso de conducir por esgotamento de puntos. As dilixencias policiais foron remitidas ao Xulgado de Instrución de Garda de Mondoñedo.
É a 15ª edición que, nesta ocasión, se celebrará as fins de semanas do 16-17 de maio (na zona de Abrela, Folgueiro e San Román) e do 23 e 24 de maio (na zona de O Vicedo). Unha oportunidade de probar as especialidades dos restaurantes e cafeterías locais e de participar nun sorteo de 2 pranchas de asar. Os establecementos participantes entran no concurso ao mellor pincho que será votado exclusivamente polos clientes que acudan mediante voto directo en urna con cada pincho que terá un prezo de de 4€.
Na categoría ata 8 anos: 1º Paula Martínez, 6 anos. 2º Samuel Riera, 7 anos. 3º Valentina Blanco (5 anos) e Iara Pruneda (7 anos). Empate. Na categoría de 9 a 11 anos: 1º Lily Fernández, 9 anos. 2º Lily Fernández, 9 anos. Na categoría de 12 a 16 anos: 1º Iria Baltar, 12 anos.
Terá lugar o venres 23 de maio ás 20,00 horas na sala de exposicións de Regalxunqueira – Viveiro. Ademais do autor participarán a Presidenta do Club de prensa de Ferrol, Julia Diaz Sixto e María José Leira Ambrós, bióloga e sobriña da científica. Serviranse uns petiscos.
Foi baixo o título: Coñece os teus dereitos como consumidor, enmarcado nesta ocasión nunhas xornadas participativas nas que se abordarán neste mes de maio temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asoc. Xubilados Terramar. As próximas charlas serán os martes 20 e 27 de maio, no local social da asoc. de Xubilados Terramar, na Casa do Mar.
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
