A Mariña, 12 de setembro de 2014. O Bloque Nacionalista Galego na Mariña valorou a visita e as declaracións do presidente do Partido Popular de Galiza como “unha mostra máis do pouco respecto que ten o Partido Popular por unha comarca como a Mariña e polas persoas que vivimos nela, que levamos anos asistindo a promesas incumpridas feitas en datas previas a eleccións.”
“O Partido Popular comezou a campaña para as municipais e non ten escrúpulos en utilizar demagoxicamente temas tan importantes para a comarca como o Hospital da Costa ou o corredor San Cibrao-Ferrol, que sofre un atraso de anos pola falla de compromiso do PP na Xunta”, declaran desde o BNG.
“Licitar un plan director, que non implica o inicio das obras, para o Hospital da Costa; poñer as máquinas en Xove como xa fixeron nos días previos ás eleccións galegas; anunciar medidas para as Catedrais sen ter nada en firme, etc. son anuncios baleiros de contidos mentres non se efectivicen. Levamos asistindo a este tipo de anuncios durante os últimos 6 anos sen que vexamos ningún avance neles. A xente xa non acredita nun Partido Popular que mente compulsivamente nun intento desesperado de lavar a súa imaxe”, aseguran os nacionalistas.
A responsábel comarcal, Ana Ermida, sinalou que “as mariñás e mariñaos non esquecemos aquel compromiso que adquiriu Feijoo e o Partido Popular coa Mariña nun momento no que o peche de empresas e a destrución de emprego era diaria na nosa comarca, xogando coas persoas, e prometendo un plan de acompañamento ás persoas desempregadas que nunca chegou.”
“Nestes momentos segue habendo destrución de emprego e as persoas despedidas de empresas emblemáticas na nosa comarca seguen sen outra alternativa que marchar buscar a vida fóra, como demostran as cifras de emigración que soporta a Mariña”, aseguran desde o BNG.
Neste sentido, a formación nacionalista exixe do Partido Popular “seriedade” e “que deixe de xogar coa xente. En política non todo vale e as promesas electorais e os compromisos que desaparecen e aparecen en función das citas coas urnas xa non teñen credibilidade na Mariña.”
Os nacionalistas defenderán no debate dos vindeiros orzamentos da Xunta que “os compromisos que se acaden vaian acompañados de partida orzamentaria suficiente, porque do contrario”, aseguran, “volveríamos asistir ao descaro dun Partido Popular que só se lembra da Mariña para vir pescar votos, como se dun caladoiro se tratara.”
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
