O BNG de Foz lamenta a situación totalmente anómala e esperpéntica que se está a producir estes días na Corporación Municipal de Foz. Para o BNG estes acontecementos son a consecuencia dunha maneira de entender a política non como un servizo aos cidadáns senón como un campo para o oportunismo e as ambicións persoais. Desde logo, o que máis lamentamos os nacionalistas é que todo isto supón un grave prexuízo para o normal funcionamento da institución municipal e dos seus órganos de representación e dificulta en boa medida unha acción de oposición que combata o desgoberno actual local e se centre nos intereses dos veciños e veciñas de Foz.
Sen entrar a valorar a actuación particular dos concelleiros e concelleiras implicados neste asunto, queremos deixar claro que o BNG sempre estivo e estará en contra do transfuguismo e a favor de entregar a acta de concelleiro ou concelleira ao partido que representas unha vez que o deixas, porque nos parece o máis ético e democrático. O BNG sempre creu nas organizacións e non nos personalismos que tanto proliferan na política actual e que tanto dano fan á democracia.
Non dubidamos que todo este asunto desvía a atención do verdadeiramente importante: resolver os moitos problemas que Foz ten como o paro e a falta de perspectivas da xuventude, a falta de servizos sociais fundamentais como a Residencia e o Centro de Día, a ampliación de prazas da escola infantil ou o mal funcionamento dalgúns servizos municipais como a depuradora, a piscina ou o alumeado público por non falar xa da ausencia de limpeza xeral do concello ou o caos urbanístico.
Por iso, o BNG vai a centrarse como ata agora en loitar de forma seria e responsable desde o Concello e desde a mobilización social contra as políticas austericidas, privatizadoras, antidemocráticas e de recortes do PP para intentar cambiar radicalmente a situación actual do noso concello e do noso país. Fronte aos personalismos e os intereses particulares duns e o pucheirazo do PP coa reforma electoral por interese partidista, débese poñer por diante o interese social e do conxunto da cidadanía.
Lorena Seivane García
Responsable Local do BNG en Foz
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
