Dende o PSdeG-PSOE de Burela e despois de facer pública unha denuncia polo cobro que nos entendemos irregular por parte de membros do equipo de “desgoberno” do Partido Popular de Burela, e ante as nulas explicacións ós veciños e veciñas de Burela deste feito por parte do Sr Barcia, queremos informar a todos os veciños e veciñas de Burela que imos a seguir en busca destas explicacións, e imos a remitir un escrito ó Valedor do Pobo para ver si esta Institución é capaz de aclarar, ou facer que se aclaren o cobro destas dietas de desprazamento sen ningún tipo de xustificación nin explicación.
Recordamos que se trata das dietas inxustificadas por parte de dúas Concelleiras do equipo de “desgoberno” do Partido Popular que “curiosamente” fan tres desprazamentos ó mes a Santiago, non se sabe a que, que nos custan ós veciños e veciñas de Burela 700 euros mensuais. Ó noso entender, e posto que na documentación que obra no noso poder, non se acompaña ningún tipo de xustificante para eses cobros, trátanse de soldos encubertos para “premiar” a estas dúas Concelleiras.
No escrito que imos a remitir ó Valedor do Pobo imos a pedir que se estuden por parte de este organismo que todas as dietas que cobra o equipo de “desgoberno” do Partido Popular de Burela conten con todas as xustificacións que deben de levar os cobros de cartos públicos. En caso de que o Valedor do Pobo non sexa capaz de poder aclarar esta situación, estudaremos xunto cós servizos xurídicos do PSdeG-PSOE a posibilidade de remitir a documentación á Fiscalía pra que esta determine se pode existir algún tipo de delito nestes comportamentos.
Dende o PSdeG-PSOE de Burela entendemos que o gasto de cartos públicos debe de facerse con luz e taquígrafos e non imos a tolerar que os cartos dos veciños e veciñas de Burela se gasten en dietas de viaxe, que ante a falla de explicacións por parte do Sr Barcia, entendemos que eses viaxes non se fan e non son máis que soldos encubertos.
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Unhas xornadas participativas nas que se abordarán temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asociación Xubilados Terramar. O primeiro será este mesmo martes, 13 de maio, baixo o título: Coñece os teus dereitos como consumidor. Será ás 18:30 horas. No local social da asoc de Xubilados Terramar, na Casa do Mar.
Este domingo compartiu unha emotiva comida coa súa familia e recibiu tamén a visita do alcalde, Demetrio Salgueiro, e da concelleira de Servizos Sociais, Tamara Soto, que lle transladaron os seus parabéns. Un século de vida, historias e sabedoría compartida. Un día inesquecible rodeado de agarimo.
Bruno Arca, alumno de 1º Ciclo Medio de Cociña, acadou un 4º posto no Combiguru Challenge celebrado en Venecia os días 8 e 9 de maio. O concurso consiste en realizar unha serie de probas na APP da compañía, famosa polos seus fornos. Os seleccionados van a Venecia para participar no concurso no cal teñen que preparar un prato e unha sobremesa durante tres horas, sempre empregando os fornos da marca. Os dous días de concurso inclúen visitas guiadas pola cidade de Venecia e formacións con cociñeiros de prestixio como Paolo Casagrande, do Restaurante Lasarte de Barcelona con tres estrelas Michelin.
