Viveiro, 21 de outubro de 2014.- Ante as noticias aparecidas na prensa do día de hoxe, nas que o Partido Popular anunciaba que preguntaría en pleno por determinadas cuestións relativas á instalación eléctrica do Teatro Pastor Díaz, cómpre indicar que se responderá a todas as cuestións plantexadas por ese grupo político na vindeira sesión plenaria, pois para iso están os plenos, e que a preguntas referidas foron presentadas no rexistro municipal no día de hoxe.
Con todo, para evitar as manipulacións e a alarma social que podería crearse ante a gravidade das acusacións, quérese deixar claro que a instalación eléctrica do Teatro Pastor Díaz non corre ningún risco para as persoas nin para as cousas; se realmente houbese algún perigo, este equipo de goberno non tería ningún inconvinte en pechar parte ou a totalidade das instalación, como xa fixo noutras ocasións, pois, por responsabilidade, é consciente de que a seguridade é o primeiro.
Tras a rehabilitación integral realizada no Teatro Pastor Díaz durante o goberno popular, nos últimos anos viñéronse detectando certas anomalías (sen poder determinar se están provocadas polo paso do tempo ou por deficiencias da construción). O goberno socialista investiu máis de 50.000 euros en solucionar os principais problemas, executando obras na cuberta para evitar as filtracións existentes na zona de butacas e eliminando os problemas de humidade existentes na subida das escaleiras á primeira planta.
A día de hoxe estase cambiando o cableado para poder adaptar a instalación eléctrica do teatro á normativa vixente e contratar o subministro eléctrico correspondente, dando de baixa a luz de obra que viña operando na actualidade. Durante a execución destas obras, detectáronse certos problemas estruturais nos palcos, desmontouse o falso teito e descubriuse que a madeira non estaba en boas condicións; por esta razón, precintouse esa parte do teatro e iniciáronse os trámites oportunos para proceder, por medios propios, á reposición ou reparación das vigas de madeira existentes. A reparación destes problemas estruturais, aparecidos durante as obras de adaptación da instalación eléctrica, provocou unha demora sobre a data prevista para a finalización dos traballos; tal e como se lle comunicou a Begasa, está previsto que as labores que se están a executar na instalación eléctrica do teatro conclúan a mediados de xaneiro, pois cómpre ter en conta, ademais, que toda a reparación se está a realizar mantendo a actividade propia da teatro, garantindo, sempre, a súa seguridade.
En definitiva, non se pode considerar que sexa unha instalación perigosa, non supón ningún risco para as persoas nin as cousas e estanse realizando obras de mellora, corrixindo vicios ocultos e adaptando a instalación eléctrica á normativa vixente para poder contratar coa comercializadora elixida o subministro eléctrico.
María Loureiro García, alcaldesa de Viveiro
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
