Ribadeo, 8 de outubro de 2014. A empresa pública Sepes, dependente do Ministerio de Fomento, decidiu hai uns días rebaixar os prezos para acceder á compra das 45 parcelas que quedan pendentes de vender no polígono industrial de Ribadeo, situado a carón da autovía do Cantábrico (A-8) na parroquia de Piñeira. A rebaixa situase en torno a un 30%. O alcalde, Fernando Suárez, mostrouse satisfeito con esta decisión da empresa pública e defendeu, unha vez máis, a estratéxica localización do polígono ribadense.
Para o rexedor a decisión de Sepes supón “unha boa noticia para os empresarios ou emprendedores que queiran atopar un lugar onde poder construír a súa nave, a súa actividade industrial ou comercial, aquí no polígono industrial de Ribadeo. Dado que, Sepes, que é a empresa pública que depende do Ministerio de Fomento, acaba de aprobar fai moi pouquiños días uns novos prezos para as parcelas que quedan pendentes por vender, que desgraciadamente pola situación económica que todos padecemos son bastantes. A día de hoxe quedan 45 parcelas en venda, pero o máis importante é que Sepes acaba de baixar por termo medio un 30% o prezo da parcela. De aí que dende 63 euros o metro cadrado, segundo a información que nos facilitan, se poden adquirir parcelas neste polígono industrial, que se algo ten de bo son as súas conexións”.
O responsable municipal recordou que “o polígono de Ribadeo conta a carón coa A-8, coma coa N-640, coma cunha conexión directa co porto comercial de Ribadeo. E ademais, está moi cerquiña de todo: a 100 km do aeroporto de Avilés, a 170 km do aeroporto de Alvedro, a 86 km de Lugo e significando que Ribadeo é o núcleo máis representativo entre Avilés e Ferrol. Polo tanto, os emprendedores e empresarios que queiran animarse non teñen mellor polígono que o polígono industrial de Ribadeo”.
O rexedor animou aos interesados a informarse “ben a través de Sepes, nos teléfonos do Ministerio de Fomento, ou ben tamén no propio Concello de Ribadeo onde lles daremos cumprida información desta nova revisión na política de prezos. Una revisión que entendo que se fai atendendo ás circunstancias económicas actuais, para dinamizar e intentar asentar poboación e crear emprego”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
