Lugo, 16 de outubro de 2014.- A secretaria xeral de Igualdade, Susana López Abella, e a delegada territorial da Xunta, Raquel Arias, presentaron este xoves en rolda de prensa a Resolución da Secretaría Xeral da Igualdade pola que se resolven as solicitudes de axudas e subvencións a entidades locais para a promoción da igualdade 2014 e cofinanciadas polo Fondo Social Europeo, que este ano ascenden a 3,4 millóns de euros, un catro por cento máis con respecto ao ano pasado.
Na rolda de prensa, explicouse que a provincia de Lugo cun montante económico en axudas que ascende a 510.087,54 euros e co que se beneficia a un total de 34 entidades da provincia de Lugo.
Seguindo coa senda establecida o pasado ano, a convocatoria deste ano reforza a prioridade dos proxectos de xestión compartida, o que significa incremento de puntuación e polo tanto, incremento de subvención para os concellos galegos que presenten solicitudes conxuntas para a xestión desta orde de subvencións.
Esta liña de axudas e subvencións aos concellos de Galicia se distribúen en tres liñas de actuación, que son os Programas de promoción da Igualdade entre mulleres e homes e de prevención e tratamento integral da violencia de xénero; o Programa de fomento da conciliación e o Programa de apoio aos centros de información ás mulleres.
Liñas de subvencións
A liña de Promoción da Igualdade entre mulleres e homes e de prevención e tratamento integral da violencia de xénero, que conta cun orzamento de 37.859,45 euros na provincia de Lugo, ten coma obxecto o financiamento da elaboración e avaliación de Plans de igualdade e de actuacións realizadas no seu desenvolvemento.
A maior parte dos concellos que reciben subvención a través da liña para a prevención da violencia de xénero porán en marcha diferentes medidas e actuacións de prevención, sensibilización e concienciación da violencia de xénero nos seus respectivos concellos.
A liña do Programa de fomento da conciliación conta cunha subvención de 33.438,33 euros destinados ao financiamento de plans e actuacións de conciliación no ámbito local.
E a liña do Programa de apoio (mantemento e dinamización) aos centros de información ás mulleres, os CIMs conta este ano cunha subvención de 438.789,76 euros, para financiamento dos custos de persoal. Un total de 11 concellos reciben subvención na provincia de Lugo, o que significa que todos os CIMs da provincia reciben axudas. Este ano, apreciase una tendenza á alza na xestión compartida dos CIMs, xa que dos 11 CIMs en funcionamento en Galicia participan un total de 36 concellos, dos cales 33 son de xestión compartida e 3 de xestión individualizada.
Segundo salientou a titular de Igualdade, o primeiro pagamento do 80% da contía da subvención concedida, en concepto de pagamento anticipado, se fará efectivo a cada un dos concellos beneficiarios no momento de notificación desta resolución.
Coa resolución desta axuda por importe de máis de 3,4 millóns de euros, a Secretaría Xeral da Igualdade pretende por en valor o papel relevante das entidades locais na difusión do valor da igualdade e transmitir a coordinación e colaboración existente entre a Administración autonómica e a Administración local, xa que consideramos que as entidades locais son os axentes idóneos para desenvolver iniciativas tendentes a garantir a igualdade entre mulleres e homes, previr a violencia de xénero e favorecer as condicións de conciliación da vida persoal, familiar e laboral, por ser as administración máis próximas á cidadanía e máis coñecedoras da situación específica dos seus veciños e veciñas.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
