Tal e como avanzou o Presidente, José Ramón Gómez Besteiro, a Xunta de Goberno este venres aprobou a devolución da parte proporcional da paga extra do 2012, que a máxima cantidade que se pode abonar segundo a Lei, a todos os traballadores da Deputación de Lugo. O voceiro provincial socialista, Manuel Martínez, avanzou que son 220.000 euros que se ingresarán coa nómina do mes de outubro.
A parte proporcional é a correspondente a 44 días, os que van do 1 de xuño ao 14 de xullo de 2012, “data de entrada en vigor do Decreto co que o Goberno Central do Partido Popular suprimiu este dereito laboral a todos os empregados públicos”, subliñou Martínez.
O voceiro anunciou que nos vindeiros días terá lugar a reunión cos representantes sindicais para poder abonar o 75% restante no mes de xaneiro. “O noso obxectivo é conseguir que a principios do 2015, os 487 traballadores da Deputación de Lugo, isto é, todo o persoal funcionario e laboral, teña recuperado a totalidade da paga extra de decembro do 2012”.
Goberno Intelixente
A sesión acordou a contratación dun proxecto pionerio entres as Deputacións de Galicia para aumentar a transparencia do organismo provincial e dos Concellos lugueses que dexesen adherirse. Trátase do Goberno Intelixente, que conta cun orzamento de 1,3 millóns de euros, financiados nun 80% por fondos europeos do Innova-TE. Permitirá a creación dun portal dixital que recollerá a seguinte información:
– a institucional básica: cargos electos e o seu patrimonio, competencias, normativa e lexislación ou actividade dos plenos, etc.
– a de tipo contable, orzamentaria e financeira: orzamentos e grao de execución, tempo medio de pago a proveedores, subvención, bolsas e axudas, ordenanzas fiscais, etc.
– a relativa a contratación: concursos públicos, resolucións, lexislación ou convenios.
– a relativa a urbanismo e ordenación do territorio: plans urbanísticos, información xeográfica, enquisa de infraestruturas, etc.
“A de Lugo será a 1ª Deputación galega que conte cun portal dixital para que os veciños, empresas ou outras administracións vexan dun xeito rápido e sinxelo toda a información sobre esta institución. Ademais, poñémolo a disposición dos Concellos lugueses. Este é un paso máis na aposta deste Goberno Provincial pola transparencia, cando xa fixemos que a de Lugo sexa a 6ª Deputación de España máis transparente, segundo o estudo da Organización Transparencia Internacional”, destacou Martínez.
Centro de Recría
A Xunta de Goberno aprobou a contratación de novos traballos no centro de recría por valor de 150.000 euros. Trátase da recuperación de 2 naves que xa existían e que se adaptarán para que teñan as mesmas características que as 13 naves de nova construción. O centro contará deste xeito con 15 naves para recriar 3.000 cabezas de gando vacún. Con este mesmo presupostos, instalaranse 15 silos para o almacenaxe de penso.
Valoración arquivo causa
Martínez valorou o arquivo da peza separada da Operación Rey e destacou que “é unha boa noticia para a Deputación de Lugo e para as tres persoas afectadas. Sempre confiamos e defendemos a súa inocencia, posto que actuaron baixo a legalidade. Pero tiveron que pasar cinco anos para desmostralo polo que é necesario reinvidicar unha maior axilidade na xustiza, posto que defendemos que unha xustiza máis áxil é máis xusta”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
