Tal e como adiantou o luns o Presidente, José Ramón Gómez Besteiro, este venres a Xunta de Goberno aprobou as bases do II Pacto Provincial polo Emprego, co que a Deputación ofrece a 1.005 parados lucenses formación gratuíta e prácticas remuneradas nas profesións con máis futuro na provincia co obxectivo de contribuír a súa inserción laboral.
O voceiro provincial socialista, Manuel Martínez, explicou que desempregados de todos os Concellos da provincia, agás o de Lugo, que ten o seu propio plan equivalente, poderán participar nos 67 cursos que inclúe esta programación. Teñen que estar inscritos como demandantes de emprego nas oficinas do Servizo Público de Emprego, antes denominadas Servizo Galego de Colocación. Teranse en especial consideración, tal e como recollen as bases, colectivos con máis dificultades:
– menores de 30 anos e maiores de 45
– desempregados de longa duración
– persoas con diversidades funcionais
– vítimas de maltrato
– persoas en proceso de rehabilitación ou reinserción social
– as pertencentes a minorías étnicas
– os inmigrantes
– mozos que non superaran a ensinanza obrigatoria
– coidadores non profesionais que atenden a dependentes
– outros colectivos en risco de exclusión social.
Inscrición
O luns publicaranse as bases do II Pacto Provincial polo Emprego no BOP. A partires da semana próxima, os interesados en participar nesta programación da Deputación poderán facer a súa inscrición nas oficinas do Servizo Público de Emprego.
As 67 accións formativas, que se celebrarán nas zonas centro, sur e norte da provincia, sumando máis de 8.300 horas de formación, distribúense do seguinte xeito:
– 19 cursos de atención sociosanitaria a persoas no domicilio, cunha carga lectiva de 640 horas por curso.
– 19 cursos de atención sociosanitaria a persoas dependentes en institucións sociais, de 490 horas por curso.
– 3 de técnico de transporte sanitario, de 425 horas.
– 6 de operacións básicas de cociña, de 420 horas.
– 5 de operacións básicas de restaurante e bar, de 360 horas.
– 6 de limpeza de superficies e mobiliario en edificios e locais, de 270 horas.
– e 9 en asesoramento na función xerencial e no autoemprego, de 180 horas.
Prestación económica
Durante todo o proceso, é dicir, tanto na parte formativa como na práctica, os participantes recibirán unha prestación económica equivalente ao 75% do IPREM, isto é, uns 400 euros mensuais, a cantidade máxima que se pode conceder segundo fixa a normativa que regula o Fondo Social Europeo. Esta axuda mensual é compatible coa percepción da prestación por desemprego ou de calquera outra axuda pública da mesma finalidade, sempre e cando o total mensual non supere o 75% do IPREM.
Recortes dos Goberno do PP
O II Pacto Provincial polo Emprego conta cun orzamento de 4,1 millóns de euros, cofinanciados nun 80% por fondos europeos. Martínez subliñou que “con esta programación, a Deputación trata de compensar os brutais recortes en emprego levados a cabo polo Goberno de Feijóo, que reduciu nun 54% os fondos a políticas activas de emprego nos orzamentos para 2015, o que supón un recorte de 200 millóns de euros; así como os realizados polo Goberno de Rajoy, que este ano reduciu os fondos para emprego en 4.500 millóns”.
O voceiro adiantou que “non será o único plan de emprego que poremos en marcha na provincia, ofrecendo alternativas aos lucenses, posto que o Orzamento para 2015, o primeiro participativo dunha Deputación en España, recollerá as prioridades dos veciños. O emprego é a primeira, tal e como o estableceron o 42% dos lucenses que participaron no proceso de elaboración do presuposto desta institución para o vindeiro ano”.
As persoas que non puideron obter a súa entrada durante o período de reserva anticipada poderán recoller as entradas restantes o propio día da función, mércores 5 de agosto, a partir das 20:00 horas, na taquilla do Teatro Pastor Díaz. A entrega realizarase ata completar a capacidade do recinto, cun máximo de catro entradas por persoa. O Concello de Viveiro agradece a excelente acollida que está a ter esta representación e lamenta as molestias que esta situación poida ocasionar.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
