Lugo, 28 de outubro de 2014.- A delegada territorial da Xunta, Raquel Arias, visitou este martes a Praza de Abastos de Ribadeo, na que están próximas a rematar as obras de mellora que financiou a Consellería de Economía e Industria e que afectaron á estrutura, cuberta e exteriores.
Arias subliñou que a Consellería apoiou cun total de 49.500 euros nestes traballos ao abeiro dunha liña de colaboración cos concellos que supuxo para a comarca un orzamento global de 63.900 euros, xa que tamén financiou a reordenación e mellora do mobiliario urbano da Praza Pardo de Cela de Foz e os stands para exposición de produtos do mercado ambulante no Valadouro.
A delegada subliñou a importancia de mellorar os equipamentos públicos comerciais municipais “por canto constitúen un elemento clave para o desenvolvemento do comercio”, e moi especialmente as prazas de abastos “pola súa capacidade de xerar actividades complementarias ao seu redor e por ser unha canle de comercialización moi eficaz de produto fresco”.
A obra realizada no mercado de Ribadeo consistiu na substitución de parte dos piares e da cimentación que estaban deteriorados e a remodelación da cuberta do edificio, na que se instalaron unhas chapas de cubrición traslúcidos en lugar das existentes de fibrocemento, co que se mellorou a estanquidade do teito e facilítase unha mellor iluminación natural do edificio.
No exterior, fíxose un lavado a presión da fachada do edificio e a continuación procedeuse de novo ao pintado, co que se concluíu unha mellora moi importante neste centro comercial que conta con máis dunha decena de postos.
A delegada destacou a aposta da Xunta de Galicia polo comercio de proximidade, apoiando aos comerciantes con axudas directas e fomentando o asociacionismo “como a mellor vía para ser competitivos”.
Así, lembrou que no presente exercicio Industria leva destinados preto de 190.000 euros ao comercio da Mariña, destinados tanto á mellora de infraestruturas como ao desenvolvemento de accións de dinamización.
Neste sentido, Industria concedeu apoios por preto de 188.000 euros ás asociacións para a dinamización dos centros comerciais abertos e prazas de abastos da Mariña. Á propia asociación da praza de abastos de Ribadeo concedéronselle 9.800 euros, que se suman aos 40.000 que percibiu Acisa Ribadeo para o funcionamento do Centro Comercial Aberto. Idéntico montante foi outorgado ao Centro Comercial Casco Histórico de Viveiro, mentres que A Mariña Federación, que engloba a todas as asociacións de comerciantes da comarca, concedéronselle case 34.000 euros para accións de promoción.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
