Barreiros, 20-10-14.- Este próximo domingo día 26 de outubro, celebrarase un carreira “tipo vertical”, unha ruta de sendeirismo e unha comida na localidade barreirense (Lugo) de Santiago de Reinante.
Ás 10 da mañá sairán os camiñantes, dende a praia de Arealonga, xunto ao restaurante La Yenka, cun percorrido polos montes de Barreiros e regreso ao punto de partida. Para esta camiñada non é necesaria inscrición previa, só presentarse no lugar de saída á hora indicada.
Unha hora máis tarde, ás 11 h., tomarán saída os participantes no 1/2 km vertical monte Comado. Unha carreira espectacular, con saída na propia praia de Arealonga e meta no cume do monte Comado. 4.400 m de distancia para subir case que medio quilómetro de altitude, de aí o nome de carreira vertical.
Os interesados en participar nesta carreira, a única deste estilo na provincia de Lugo e Occidente asturiano, deberán facelo a través da web http://mediokmverticalmontecomado.jimdo.com
A organización invita ós amantes do deporte a participar nestas actividades ou a acudir á meta do monte Comado, par presenciar a chegada dos corredores dende unha das paraxes dende onde se teñen algunhas das mellores vistas da Mariña lucense e Occidente asturiano.
Ao mesmo tempo, o Club Parapente Ferrol realizará unha exhibición aérea dende o monte Comado.
Xa ao remate das actividades deportivas e para repoñer forzas, celebrarase unha comida no restaurante La Yenka. O menú consitirá en callos, costela asada, sobremesa, bebidas, café, chupito, ao prezo de 15 € por persoa (pódese cambiar algún dos pratos). Tamén hai un menú infantil ao prezo de 6 €.
Esta comida está aberta a participantes, acompañantes e público en xeral.
Para reservar praza na comida, deberán dirixirse a ún dos teléfonos: 669 021 561 o 626 309 179.
Estas actividades están organizadas pola Comisión de Festas de Santiago Apóstol de Santiago de Reinante e conta coa colaboración do Concello de Barreiros, Deputación de Lugo (Vicepresidencia Primeira-Deporte e Cultura), Xunta de Galicia (Deporte e Saúde), Agrupación de Protección Civil de Barreiros, Supermercado Eroski City Barreiros, Hotel Ría do Masma, Café Bar Moderno, C.D. Praias de Barreiros, Peña Barcelonista San Miguel, Actibot, e Autos Dourado.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
