Cervo, 3 de outubro de 2014- O Concello de Cervo avanzou hoxe algunhas cifras dos orzamentos de 2015. Un dos importes máis destacados é o que se destinará á creación e fomento do emprego, que ascende a 522.500 euros.
Neste dato inclúense, por exemplo, as medidas de apoio ao emprego xuvenil, tanto as prácticas no Concello e empresas para mozos titulados como a formación dual. Cabe destacar que se trata de dous programas complementarios dirixidos a perfís diferentes.
No caso das bolsas remuneradas para mozos que estudaron en Galicia ou en Asturias (a través de FEUGA ou a Fundación Universidad de Oviedo), o Concello destinará 100.000 euros no 2015, mantendo a mesma contía que no ano 2014. Desta maneira, en dous anos e medio o Concello terá destinado 235.000 euros a ofrecer prácticas a mozos con estudos e darlles así a súa primeira oportunidade laboral remunerada.
Outra das iniciativas de fomento de emprego para a xuventude é o programa de formación dual, que botou a andar a esta semana. Neste caso o funcionamento é diferente xa que os participantes, 15 mozos menores de 30 anos, reciben formación mesturada con traballo efectivo remunerado. Neste caso, no 2015 destinaranse 90.000 euros, ademais das achegas que fan outras administracións, como son a Xunta e o Goberno do Estado. Desta maneira, entre as bolsas a titulados e a formación dual, o Concello dedicará 190.000 euros ao fomento do emprego xuvenil.
Ademais, tamén cabe salientar a partida para o persoal do GES, o Grupo de Emerxencias Supramunicipal, que implicará un gasto para as arcas cervenses de 236.000 euros e que xa vén funcionando dende o 2013, polo que se mantén un servizo moi importante. Ao mesmo tempo, haberá novas contratacións para facer fronte a novos servizos, como é o caso do mantemento e funcionamento dos saneamentos de San Ciprián, Cervo, A Senra e Trasbar para o que se inclúen uns 96.500 euros. Polo tanto, os orzamentos de 2015 “son unha aposta firme e decidida polo emprego, pola xuventude e polos servizos de calidade”, remata a edil de Facenda, Yolanda Pedreira.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
