Barreiros, 28 de outubro de 2014.- O Colectivo Cultural Ollomao, tras a posta en marcha da segunda edición da Universidade Rural a comezos de mes, inicia o vindeiro xoves unha nova actividade: os xoves universitarios.
Estas xornadas terán lugar en varios xoves durante o desenvolvemento da Universidade Rural e consistirán en trasladar as clases teóricas aos bares e tabernas do municipio, nun ambiente menos académico e máis distendido. A presidenta de Ollomao, Tamara Rubiños, explica que “a idea xurdiu xogando cos xoves de festa en calquera cidade universitaria. Barreiros, tendo universidade, non podía quedar á marxe e decidimos trasladar temas xerais, que poidan ter interese para a xente, aos bares e tabernas do concello, a un ambiente máis informal.”
Trátase de xornadas e charlas abertas ao público en xeral, sen ser preciso ter matrícula na Universidade Rural, podendo asistir calquera persoa interesada. “Pretendíase tamén contribuír a dinamizar a vida nos bares e tabernas da localidade, aproveitando as sinerxias que poidan xurdir e tratando de que as actividades de Ollomao tamén redunden en beneficio da vida social barreirense”, explica.
O primeiro xoves universitario desenvolverase o vindeiro 30 de outubro, ás 20:30h, no bar A Ribeira, na praia de Fontela. Ademais, tratarase un tema moi demandado polas veciñas e veciños e sobre o que existe un interese xeralizado. Xosé Manuel Golpe Acuña, experto en enerxía -da axencia enerxética de A Coruña- realizará unha ponencia sobre como funciona o mercado da enerxía, canto nos custa a luz, como se pode analizar a factura, posibles reclamacións e alternativas existentes. Desde Ollomao, animan ás persoas que asistan a levar as súas propias facturas para poder analizalas durante a xornada.
“A facturación da luz é un tema que se toca levemente na semente de ciencias xurídicas, sociais e económicas e que suscita gran interese. Por iso, decidimos organizar unha xornada monográfica sobre este tema; pero aberta ao público en xeral, para que poida acudir calquera persoa interesada”, explica Tamara Rubiños.
Actividades nos bares e tabernas para as tarde-noites de outono
Desde o Colectivo Cultural Ollomao sinalan que “esta actividade que comeza o vindeiro xoves forma parte dunha serie de actos que se desenvolverán en bares e tabernas, tratando de contribuír á dinamización da vida social barreirense e achegando a cultura a lugares menos habituais.”
Así, ademais dos xoves universitarios, que se sucederán ata o mes de decembro en bares de distintas parroquias, no mes de novembro poñerán en marcha o teatro nos bares, achegando pequenas obras teatrais a estes espazos e colaborando a reavivar a vida nos locais de ocio de Barreiros.
Desde Ollomao mostran “un gran agradecemento” a todas as persoas que rexentan locais de hostalería que “amosaron plena disposición a colaborar e facilitaron en todo momento a posibilidade de realizar calquera tipo de actividade.” Igualmente, explicaron que “debido á grande colaboración que tivemos, nesta primeira fase non poderemos chegar a todos os establecementos que se ofreceron para participar, xa que se tratou de diversificar por zonas e por parroquias”; pero aseguran que “faremos o posible por ampliar as actividades e poder achegalas a todos os que se mostraron en disposición.”
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
