Manuel María Fernández Teixeiro (Outeiro de Rei, 1929 – A Coruña, 2004) cumpriría 85 anos o pasado luns 6 de outubro. E desde o Colexio Martínez Otero de Foz non quixeron deixar que esta data pasase sen lembrar ó poeta chairego.
Deste xeito, o Colexio organizou un acto onde o alumnado de Primaria e Secundaria coñeceu a importancia de Manuel María na literatura galega e a súa intensa relación coa vila de Foz. Ademais, o acto completouse cunha lectura de poemas do autor por parte do alumnado e a interpretación musical de dous dos seus poemas máis coñecidos “O carro” e “O aradiño”.
É un acto moi sinxelo organizado polo grupo de biblioteca e o equipo de dinamización lingüística do centro.
Extracto da Intervención de Marcos Loureiro
“A relación de Manuel María con Foz foi temperá. Mais como todo amor ten unha data, este non ía ser menos. Normalmente, tende a sinalarse o ano 1966 como o inicio desa relación mais isto non é tan así. Se acudimos ás hemerotecas, cousa que sempre é recomendábel, veremos como nos xornais, antes da citada data, atopamos as seguintes colaboracións asinadas polo noso poeta:
1. “Breve inventario de la Costa Lucense”, Vida Galega, nº 38, Vigo-Lugo, maio, 1958.
2. “Un pueblo que vive en el mar”, Faro de Vigo, Vigo, 10-VII-1965.
3. “Sólo para focenses: en torno a un olvido”, El Progreso, Lugo, 11-VII-1965.
4. “Ante el Homenaje a Noriega Varela y Aquilino Iglesia Alvariño”, El Progreso, Lugo, 25-VII-1965.
Que tiñan como denominador común estes artigos? A resposta é moi sinxela e vén en forma dun fermoso monosílabo: Foz.
No ano 1966, coincidindo coas festas de San Lourenzo, tiñan lugar os primeiros Xogos Florais (certame literario destinado a potenciar a creación literaria na nosa lingua) da vila e cuxo gañador foi Manuel María. A obra gañadora era unha compilación de poemas que levaba por título Versos florecidos en louvanza de Foz.
As visitas a Foz do chairego sucedéronse. Ben fosen para visitar aos moitos amigos que deixou ou para disertar, convidado polas agrupacións culturais da vila, sobre o tamén escritor Noriega Varela. Isto último até se deixa sentir nun dos seus poemas:
Andiven por Foz pasmado
vendo a paisaxe vilega
e a percurar afanado
os poemas de Noriega…
No patrón da vila do ano 1980 o programa das festas de Foz viña cunha sorpresa. Un novo poema de Manuel María dedicado á vila e que levaba por título “Nova chamada do mar”.
Así, e desde hoxe, sempre que pensemos en Foz fagámolo tamén en Manuel María. Falar de Foz ou do Manuel é falar do país. Non deixemos que ningún dos dous caia no silencio.
É o meu vello amigo
o mar de Foz quen me reclama:
coñozo o seu acento gris,
a súa palabra airada,
o seu recendo rexo e masculino
e quéreme ó seu pé,
perto dos mariñeiros,
dos labregos,
das xentes populares
pra darnos a súa forza
e poñer en pé a Galicia.”
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
