Santiago, 2 de outubro de 2014.- O presidente da Xunta, Alberto Núñez Feijóo, avanzou este xoves, tras o Consello, un incremento de máis do 82% da dotación económica aos concellos para a mellora dos camiños de titularidade municipal, co obxectivo de mellorar as condicións de vida dos residentes e levar a cabo actuacións dirixidas a fomentar a implantación e dotación dos servizos básicos nas áreas rurais.
Feijóo destacou, así, a aprobación da sinatura de convenios de colaboración entre a Consellería do Medio Rural e do Mar e cada unha das catro deputacións provinciais para financiar as actuacións do novo Plan marco de mellora de camiños de titularidade municipal 2014-15.
Segundo abundou o responsable do Goberno galego, a través destes convenios os concellos de Galicia beneficiaranse de máis de 25,5 millóns de euros (fronte aos preto de 14 millóns do Plan marco 2013-14) destinados á ampliación, mellora e mantemento dos camiños de titularidade municipal. “Isto supón un incremento do 82% sobre o plan anterior –incidiu-, que vai permitir mellorar un maior número de camiños no ámbito rural de Galicia”. “Pasamos de 14 millóns de euros a 25,5 millóns de euros, en colaboración entre a Xunta de Galicia e as catro deputacións, seguindo os criterios que marcou a Federación Galega de Municipios e Provincias”, abundou.
Feijóo indicou que, sen dúbida, este plan permitirá mellorar “as condicións de vida das galegas e dos galegos que residen no medio rural”, un plan que, segundo resaltou, inclúe como novidade que unha parte importante do confinanciamento será achegado polas deputacións provinciais. “Xunta e deputacións integrámonos nun plan para abordar o desenvolvemento rural desde unha perspectiva integral e para reforzar a colaboración entre as administracións públicas”, aseverou.
Cómpre salientar, tamén, que para desenvolver o plan, os criterios de reparto foron consensuados entre a Axencia Galega de Desenvolvemento Rural e a Fegamp. De tal xeito que: os concellos da provincia da Coruña recibirán máis de 8 millóns de euros; os da provincia de Lugo, preto de 7 millóns; os concellos de Ourense contarán con preto de 6 millóns; e os da provincia de Pontevedra recibirán arredor de 5 millóns.
Así mesmo, o novo cofinanciamento distribuirase de xeito que: o 75% irá con cargo ao Fondo Europeo Agrícola de Desenvolvemento Rural (FEADER); o Ministerio de Agricultura, Alimentación e Medio Ambiente achegará un 12,13% dos fondos; a Xunta e as deputacións provinciais o 12,87% restante; e os concellos beneficiarios serán os encargados do pagamento do imposto do valor engadido (IVE).
“Como se ve –concluíu Feijóo-, estamos tentar sumar os orzamentos de todos para facer un plan que beneficie a todos”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
