Ribadeo, 17 de outubro de 2014. O alcalde, Fernando Suárez, considera que o caso de Francisco Nicolás Gómez Iglesias, detido hai uns días en Madrid acusado de falsidade e usurpación de identidade, hai que tomalo con humor e con retranca. E engade que por Ribadeo pasan milleiros de persoas todos los anos “e polo medio pode colarse algún indesexable como este”.
O rexedor referiuse a “esta noticia de tanto alcance, dende o punto de vista da certa retranca, sobre esta detención de Nicolás Gómez Iglesias, que xa estivera de actualidade aquí en Ribadeo durante este verán pasado, quero dicir que eu coma alcalde tamén fun un enganado por dicilo dalgunha maneira. Certamente o modus operandi e o despregue previamente montado, a verdade é que a ver a quen non lle pasaba isto”. Suárez Barcia relatou que “días antes da súa chegada chamaron supostamente dende a Casa Real e a Presidencia do Goberno para pedir escolta para unha alta personalidade da Casa Real, e eu como alcalde xa que era tan alta personalidade e tan alta representación a que ía vir a Ribadeo, dado que este concello ten un tirón turístico incuestionable nestes últimos anos e non é inusual ver a xente cunha certa traxectoria mediática, pois considerei adecuado ir darlle a benvida a este persoeiro da Casa Real, que ao final acabou sendo un impostor como se está demostrando nestes últimos días”.
O alcalde de Ribadeo pensa que “se eu non o fixera así, pois qué pensaría a xente no caso de que efectivamente fora alguén da Casa Real. Tamén poderían ter dito que o alcalde era algo estirado porque para unha vez que ven alguén da Casa Real aquí pois non o íamos saudar, cando menos. Eu simplemente me acheguei ao restaurante para saber quen era aquel persoeiro tan magnífico que se nos indicaba e saudeino dándolle a benvida a Ribadeo. Logo din a volta e deixeinos que seguiran comendo, el e máis ao empresario asturiano co que estaba xantando. E nada máis”.
“O certo é que Ribadeo recibe a tanta xente para ben, recibe a centos de persoas durante todo o ano polas Catedrais, polo casco vello, polos servizos, polo comercio, polos restaurantes ou polo que sexa e é certo que no medio destes centos de miles de persoas algún indesexable, coma é o caso, tamén se pode colar. Pero hai que tomalo con certa retranca e certo humor de que ás veces tamén pasan cousas anecdóticas coma é o caso”, dixo Fernando Suárez.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
